Yakobu 4:3 - Sura Malelaha

³ Nauri pae niperapimi, agaiana bara ina nilambi, lawi tunggaiami bara maroa. Lawi apa au niperapi iti, ina nipake pea mopabukei peundeana lalumi haduduami.

Yakobu 4:3 Mawu Ofanana

Matiu 20:22

Nauliangaahe Yesu, “Bara niisa apa au niperapi? Nibuku pae mohalea kapari au hangangaa Kuhalea?” Rahanai topeguruNa au rodua iti, “Kibuku!”

Markus 10:38

Nauliangaahe Yesu, “Niisa pae apa au niperapi iti? Nibuku pae mohalea kapari au hangangaa Kuhalea? Ba nibuku motodiha au ina Kutodiha?”

Lukasi 11:10

Lawi hema au merapi ina rawei. Hema au masaoki ina molambi. Hema au motidongko baba, ina rabungkahia.

Lukasi 15:13

Bahangkia alona roo indo, anana au toadi mampobalumi kirana hai laomi molilo. Inditi, ia mopaope mbero doina i babehia au bara maroa.

Lukasi 15:30

Anamu au hangko mesule iti motende mbero anu-anumu i towawine au kadake babehiana, agaiana i pesulena ide, nuposambaleari ana japi au marudu!’

Yakobu 4:1

Halalu, moapari pane ara pobungka-bungka hai pombehahanai i olomi? Bara pae hangko i peundeami haduduami au mombeala liliu i lalumi?

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.

1 Yohane 5:14

Baimoke mekakae i Pue Ala, lawi taisa kaNapehadingina pamperapita, asala pamperapita moula peundeaNa.