Yakobu 3:2 - Sura Malelaha

² Ikita ope-ope, madahake mobabehi sala. Agaiana ane rapana arahe tauna au bara mobabehi sala i polololitanda, ihira au malelaha tuwonda hai au peisa mokuasai ope-ope peundeana lalunda.

Yakobu 3:2 Mawu Ofanana

Matiu 12:34

Ikamu tauna au kadake! Bara mpuukau peisa mohowara lolita au maroa anti kakadakena lalumi. Lawi apa au ara i lalunta, iti wori au mesuwu i humenta.

Matiu 12:37

Lawi hangko i lolitamu haduduamu, ina rabotusi kamasalamu ba kamanotomu.”

Roma 3:10

Lawi ara teuki i lalu Sura Malelaha node: “Barapi huba hadua tauna au manoto.

Roma 7:21

Itimi au mewali liliu i lalu katuwongku kuunde mobabehi apa au maroa, agaiana babehia au kadake peari au kubabehi.

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Galatia 5:17

Lawi peundeana lalunta au kadake moewa peundeana Inao Malelaha. Ane tapeulai peundeana lalunta au kadake, bara tababehi apa au maroa moula peundeana Inao Malelaha; hai ane tapeulai peundeana Inao Malelaha, bara tababehi apa au kadake au ara i lalunta.

Kolose 1:28

Mewali, mobambaringkai i ope-ope tauna kana i Kerisitu. Kiweihe lolita hai kipaturohe, hai kininihe ope-ope moula kapande au nakiraiangkai Pue, bona kiantihe ope-ope Iria hai bara ara kamakuranda, lawi mohintuwumohe hai Kerisitu.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 1:4

Hai hangangaa mantaha liliuke duuna i kahopoana bona maroho ntepuu pepoinalainta hai barapi ara kamasalanta ba kamakuranta.

Yakobu 2:10

Hema au moliungi hampaka pea hangko i ope-ope Aturana Pue Ala, himbela pea hai moliungimi ope-ope Atura iti.

1 Peturu 3:10

I lalu Sura Malelaha teuki node, “Hema au mohaoki katana hai roa ngkatuwo, ia hangangaa mokampai pololitana, bona dati mekakabosai ba mepodongkoa.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.