Yakobu 3:10 - Sura Malelaha

¹⁰ Hangko i humena hadua tauna, mesuwu lolita petoia hai lolita petunda-tunda. Halalu-halalungku! Katouana, barake peisa nodo!

Yakobu 3:10 Mawu Ofanana

Roma 12:14

Ane ara tauna au mampopeahi-ahikau, niperapi i Pue Ala bona Nawatihe. Ineehe nitunda-tunda.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

Yakobu 1:16

Halalungku au kupokaahi! Ineekau rapakanawo!

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 3:1

Halalu-halalungku! Ineekau bosa au mampeinao mewali guru agama. Lawi taisami halalu, tauna au mewali guru agama hangangaa mampeulai peundeana Pue Ala, hai ane masalake ina melumbu pehukuNa irikita pane pehukuNa i tauna ntani.

Yakobu 3:11

Ane rapana ara owai tumbu, peisa pae mesupa sambela owai au matawaa hai owai au mapai?

Yakobu 3:9

Dilanta peisa tapake motoia Pue Ala Umanta. Agaiana peisa wori tapake mopapakoi ranganta au napopewali Pue Ala moula lenggeNa haduduaNa.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.