Yakobu 2:21 - Sura Malelaha

²¹ Hangangaa nikatuinao tuntukana Burahima: ia naimba Pue Ala tauna manoto anti kamaroana babehiana, lawi ia masilolongami ina mampopenomba Isaki anana, i Pue Ala i wongko watu pohuwea popenomba.

Yakobu 2:21 Mawu Ofanana

Matiu 12:37

Lawi hangko i lolitamu haduduamu, ina rabotusi kamasalamu ba kamanotomu.”

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Lukasi 1:73

Maroho mpuu podandiNa i toiorunta, lawi Nadandi hai mosumpa i Burahima, bona ikita au mewali pemuleana ina Nakabahake hangko i iwalinta. Ina mewalike taunaNa au malelaha au mopakatana laluNa, hai ina Napaaraake rara mengkoru Iria dati ara kalanganta hawe i kahopoana tuwonta.”

Lukasi 16:24

Mekakiomi topebuku iti, nauli: ‘Uma Burahima! Nupokaahina wongkoia! Nutuduana Lasaru moeme karawena i owai bona mai motudoi dilangku. Mapari ntepuu kuhadi i lalu api ide!’

Lukasi 16:30

Nauli topebuku iti, ‘Uma Burahima, ane iti pea, bara handa! Ane nutudu hadua tomate au tuwo hule lao mololita irihira, hangko mampenosoirihe dosanda!’

Yohane 8:39

Rauli to Yahudi, “Umangki iami Burahima!” Nahanai Yesu, “Ane tou-tou ananakau Burahima, moapari bara nipeulai babehiana?

Yohane 8:53

Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”

Suro 7:2

Nahanai Setepanu, “Uma-uma, halalu-halalu! Nipehadingina hampai! Hangkoia, toiorunta Burahima maida i tampo Mesopotamia. Hangko damani melimba i boea Haran, Pue Ala au mahile kuasaNa hawe i toioruntahe,

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Roma 4:1

Mewali, peisa taala pandiri hangko i katuwona Burahima, toiorunda to Yahudi. Noumba rarana Burahima mewali manoto i peitana Pue Ala?

Roma 4:12

Nodo wori Burahima rapouma to Yahudi, lawi ia au rapopandiri ope-ope to Yahudi au bara pea ratile agaiana au mepoinalai worihe i Pue Ala nodo Burahima au mepoinalaimi i Pue Ala hangko damani ratile.

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Ibarani 11:17

Anti pepoinalaina Burahima, i tempona napetandaka Pue Ala, ia lao mohuhu Isaki anana mewali popenombana. Hangkoia Pue Ala mololita iria, Nauli, “Batena pea pemuleana Isaki au ina raimba pemuleamu moula apa au Kudandiako.” Agaiana nauri nodo, bula laluna Burahima mohuhu anana au haduduana mewali popenombana.

Yakobu 2:18

Manoto ara au ina manguli node, “Hadua tauna meharunga i pepoinalaina, hai tohaduana meharunga i babehiana au maroa.” Agaiana kuuli: ane bara maroa babehiamu, bara ina raita pepoinalaimu iti. Hangko i babehiangku au maroa, ina kupopaitaa woriko pepoinalaingku i Pue.

Yakobu 2:24

Mewali taisami, tauna au maroa babehianda naimbahe Pue Ala manoto i peitaNa, agaiana tauna au mepoinalai pea hai bara maroa babehiana bara Naimba manoto i peitaNa.