Yakobu 2:1 - Sura Malelaha

¹ Halalu-halalungku! Amputa, Pue Yesu Kerisitu, meawa mpuu tuwoNa. Mewali, ane tou-toukau mepoinalai i Pue Yesu, ineekau mampopontani tauna.

Yakobu 2:1 Mawu Ofanana

Matiu 22:16

Ido hai rapohawaamohe bahangkia topegurunda hai bahangkia taunana Datu Herode lao i Yesu. Kahawenda, rauliangaa, “Guru, kiisami kaOiona tauna au manoto. MepaturoKo i katou-touana moula peundeana Pue Ala. Bara Nupeulai pampekirinda hema pea, lawi baraKo mampopontani tauna.

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 24:24

Bahangkia alona hangko inditi, hawe worimi Gubernur Feliks hai towawinena au rahanga Drusila. Drusila iti to Yahudi. Feliks motudu surodadona moanti Paulu i lindonda bona rapehadingi apa au napahawe kana i pepoinalaina i Kerisitu Yesu.

Suro 7:2

Nahanai Setepanu, “Uma-uma, halalu-halalu! Nipehadingina hampai! Hangkoia, toiorunta Burahima maida i tampo Mesopotamia. Hangko damani melimba i boea Haran, Pue Ala au mahile kuasaNa hawe i toioruntahe,

Roma 1:11

Lawi kupeinao mpuu hidupa hai ikamu bona kukira-kiraakau pewati hangko i Inao Malelaha au ina mopakaroho pepoinalaimi.

1 Korintu 2:8

Tadulako i dunia ide, barahe moisa tunggaiana Pue Ala. Lawi ane keraisa, kebarahe mopaku Amputa au meawa tuwoNa i kau mombehape.

Kolose 1:4

lawi kihadimi bambari au mopahawe noumba kamarohona pepoinalaimi i Kerisitu Yesu hai kamaahimi i ope-ope tauna au mepoinalai.

1 Timotiu 1:19

Mantahako i lalu pepoinalaimu, hai mobabehi liliuko babehia au maroa hangko i kabulana lalumu. Ara bahangkia tauna au mosapuaka ope-ope paturo ide, alana marugi pepoinalainda.

1 Timotiu 5:21

Kuweiko lolita ide Timotiu bona nupeulai mpuu ope-ope hawangku, hai ineeko mampopontani tauna. Pue Ala hai Kerisitu Yesu hai malaekaNa au tepilei mampetiroke.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Yakobu 1:16

Halalungku au kupokaahi! Ineekau rapakanawo!

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 2:3

Ane melumbu pebilami i tauna au makara hampina, pane niuliangaa, “Maike mohuda i pohudaa au maroa inde,” agaiana i tauna au meahi-ahi tuwona niuli: “Meangkamoko inditi,” ba niuliangaa: “Mohudamoko i lanta,”

Yakobu 2:9

Agaiana ane mampopontanikau tauna moula tuwonda ba lenggenda, madosamokau. Tongawami kamadosami, lawi moliungimokau Aturana Pue Ala.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

Pampetudungia 14:12

Idomi hai taunana Pue Ala au matunduhe i hawaNa hai au mepoinalai liliuhe i Yesu, hangangaa mantahahe i lalu kapari.