Yakobu 1:6 - Sura Malelaha

⁶ Agaiana ane merapike i Pue Ala, hangangaa mepoinalai mpuuke. Bara peisa bata-bata lalunta. Lawi hadua tauna au bata-bata laluna, peisa rapandiri nodo balumba au nawui himburu node hou node mai.

Yakobu 1:6 Mawu Ofanana

Matiu 14:28

Nauli Peturu, “Ane Oioto diti Pue, Nukakio worina molumao i wongko owai.”

Suro 10:20

Hoholigamoko mendaulu. Ineeko langa meula irihira, lawi Iko au motuduhe.”

Epesu 4:14

Mewali, ane nodo kamarohona pepoinalainta, barapoke ina holi-holi rapakanawo nodo anangkoi, lawi pekiri anangkoi nodo hehi au nawui himburu node hou node mai. Agaiana ikita, barapoke nodo. Barapoke ina mampeulai hinangka paturo hangko i tauna au mepawuli hai mepakanawo.

1 Timotiu 2:8

Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

Ibarani 11:6

Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

Yakobu 1:7

Lawi tauna au nodo, morompenga lalunda, bara tetida pampekirinda. Ido hai barahe peisa moharunga apa pea hangko i Pue.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

2 Peturu 2:17

Guru au mepakanawo iti, napasilolongaamohe Pue Ala paidaa au meruu kamakaindina. Ihira peisa rapandiri nodo tibubu au bangi, hai nodo gawu au nawui himburu kebuu agaiana bara mopaara uda.