Yakobu 1:5 - Sura Malelaha

⁵ Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

Yakobu 1:5 Mawu Ofanana

Matiu 11:20

Hangko inditi, Yesu mokambaroa to Yahudi au maidahe i bahangkia wanua i tampo Galilea, lawi nauri paka Nababehiahe tanda kuasa i boeanda, bara mpuuhe menoso hangko i babehianda au kadake.

Markus 16:14

Hangko inditi, Yesu mampatongawa worimi i topeguruNa au hampulo hai hadua au tanganda maande. Nakambaroahe lawi makura pepoinalainda hai matua lalunda. Lawi barahe mampoinalai lolitanda tauna au moitamohe Yesu au tuwo hulemi.

Yohane 14:13

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku.

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yakobu 1:17

Ope-ope au maroa hai au bara ara kamakurana tahumba hangko i Pue Ala. Iami au mampopewali ope-ope au mewangka i langi. Ope-ope au mewangka iti, ara katebaliana. Agaiana Pue Ala, bara ara katebaliaNa, hai Iria bara wori ara kamakaindi.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.