Yakobu 1:26 - Sura Malelaha

²⁶ Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 1:26 Mawu Ofanana

Matiu 15:9

Bara mobundu penombanda Iriko, lawi paturonda hangko i manusia pea, bara paturo hangko Iriko.’ ”

Markus 7:7

Bara mobundu penombaanda Iriko, lawi paturonda hangko i manusia pea, bara paturo hangko Iriko.’

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

1 Korintu 15:15

Melumbu hangko indo, peisangkai raimba topodongko, lawi kipahawe bambari au manguli Pue Ala mopatuwo hulemi Kerisitu. Agaiana ane rapana tauna au mate bara ina rapatuwo hule, bara tou lolitangki,

1 Korintu 15:2

Tehoremakau hangko i huku dosami, asala mepoinalai liliukau i Ngkora Marasa au kupahaweakau. Ane bara, mbero-mbero pea pepoinalaimi iti.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Galatia 2:6

Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Galatia 3:4

Mewali hangangaa mantahakau i lalu pepoinalaimi, lawi ane bara nodo, barapi mobundu ope-ope pewatina Pue Ala au nidokomi.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Epesu 4:29

Inee ara lolita kadake mesuwu hangko i humemi. Agina mohowarakau lolita au hintoto au ina motulungi hai mopakaroho laluna hangka rangami. Lolita au nodo ina moanti roa ngkatuwo i tauna au mohadi.

Epesu 5:4

Inee worikau metatarahu ba mohowara lolita au bara mobundu au bara hintoto rahadi tauna. Aginari mangulike ngkaia kamaroana i Pue Ala.

Kolose 4:6

Ane molololitakau hai ihira, nipamaalusu lolitami bona moantikau katuwo maroa irihira. Hai nipekiri maroa apa au nipahaweahe bona niisa mohanai pampekunenda.

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Yakobu 2:20

Ntuli mpuukau? Ba niuli handami pepoinalaimi i Pue Ala nauri bara ara babehiami au maroa? Ane nodo pepoinalaimi, bara ara pobunduana!

1 Peturu 3:10

I lalu Sura Malelaha teuki node, “Hema au mohaoki katana hai roa ngkatuwo, ia hangangaa mokampai pololitana, bona dati mekakabosai ba mepodongkoa.