Yakobu 1:22 - Sura Malelaha

²² Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Yakobu 1:22 Mawu Ofanana

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Lukasi 11:28

Agaiana nahanai Yesu, Nauli, “Agaiana, au morasi iamohe tauna au mampehadingi hai mampeulaihe Ngkorana Pue Ala.”

Yohane 13:17

Ane niisa hai nipeulai paturo ide, ina morasikau.

Roma 2:13

anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

1 Korintu 15:33

Ineekau rapakanawo! Ane mampohimadakau tauna au kadake babehianda, babehiami au maroa ina tebaliki mewali kadake, nodo babehianda.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

1 Korintu 6:9

Bara pae niisa halalu, tauna au kadake babehianda, barahe ina mewali taunana Pue Ala i lalu poparentaNa. Ineekau ranawo-nawo. Tauna au mobabehi babehia au merikai, au menomba i anitu, au mebualosi, au mobabehi sala nodo tobalilo au mamposamboko hangka tobalilona,

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Galatia 6:7

Mainga-ingakau, halalu! Pue Ala bara peisa rapodongkoa, lawi apa au tatuda, iti wori au tapupu.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

Yakobu 4:17

Mewali, hema au moisa apa au maroa au hangangaa nababehi agaiana bara nababehi, tauna iti madosa.

2 Peturu 2:13

Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

1 Yohane 1:8

Ane tauli bara ara dosanta, modongkomoke hai barake mopailalu paturo au tou.

1 Yohane 2:3

Ane mampeulaike hawana Pue Ala, iti au mopakanoto kamoisanta mpuu Pue Ala.

1 Yohane 3:7

Anangku, inee mpuuhe nipogiangaa tauna mopakanawokau. Tauna au mobabehi peundeana Pue Ala, ihirami au manoto nodo Yesu.

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 22:7

Nauli Pue Yesu, “Barapi mahae ina hawemoNa! Morasihe tauna au mampeulai ope-ope paturo au teuki i lalu sura ide.”