Yakobu 1:19 - Sura Malelaha

¹⁹ Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 1:19 Mawu Ofanana

Matiu 5:22

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Markus 12:37

Mewali, ane Daudi haduduana manguli Datu Topehompo iami Pue au napenombai, noumba hai rauliri pemuleana?” Tempo iti bosa mpuu tauna au moteruhu i tabangaa Souna Pue Ala hai matanahe mohadi paturoNa.

Markus 2:2

Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala.

Lukasi 15:1

Hambela tempo, bosa toperuru asele hai tauna ntanina mai i Yesu lawi mampeinaohe mampehadingi lolitaNa. Ihira raimbahe tauna kadake.

Lukasi 19:48

agaiana bara ara raranda mobabehi tunggaiana lalunda, lawi tauna bosa tedii lalunda mampehadingi lolitaNa.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 10:33

Ido hai hoholiga kutudu hadua tauna lao mokakioko. Hai maroa mpuu lalumu, lawi maiko inde irikami. Ido hai teruhumongkai inde i lindona Pue Ala, lawi kipeinao mohadi ope-ope au natuduako Pue Ala nuuliangaangkai.”

Suro 13:48

Karahadina tauna au barahe to Yahudi lolitana iti, matana mpuumohe hai motoiahe Ngkorana Pue. Hai hema pea au Napileimi Pue Ala molambi katuwo maroa au bara mokahopoa, hai mepoinalaimohe i Pue Yesu.

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Suro 2:42

Roo indo, bosa tauna au hangko mepoinalai i Yesu mampehadingi paturonda surona Pue Yesu, hai teruhu liliuhe. Maande sambelahe, mokira-kirahe roti anti pokatuinaonda Pue Yesu, hai mekakaehe.

Epesu 4:26

Ane rumpukau, inee nipogiangaa karumpumi iti moantikau madosa. Ineekau mowoli karumpumi duuna tampu alo,

Epesu 4:31

Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

Kolose 3:8

Agaiana ide-ide, hangangaa nikabaha ope-ope babehia kadake iti, nodo: karumpu kahengke pekahihi poanti-anti lolita au bara tou kana i tauna ntanina, petatarahu.

1 Tesalonika 2:13

Ara mani hampaka au morua lalungki manguli ngkaia kamaroana i Pue Ala, iami Ngkorana Pue au nihadi hangko irikami, bara nidoko nodo lolita au hangko i manusia pea. Agaiana nidoko hai nipoinalai bambari iti, ami hangko i Pue Ala. Hai ide-ide, Ngkorana Pue Ala iti mokale liliu i lalumi, lawi mepoinalaimokau i Pue Yesu.

Yakobu 1:16

Halalungku au kupokaahi! Ineekau rapakanawo!

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 2:1

Halalu-halalungku! Amputa, Pue Yesu Kerisitu, meawa mpuu tuwoNa. Mewali, ane tou-toukau mepoinalai i Pue Yesu, ineekau mampopontani tauna.

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

Yakobu 3:10

Hangko i humena hadua tauna, mesuwu lolita petoia hai lolita petunda-tunda. Halalu-halalungku! Katouana, barake peisa nodo!

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

Yakobu 5:12

Halalu-halalu! Hangko i ope-ope paturongku, idemi au paraluu ntepuu: ineekau mosumpa mokabelai langi ba tampo ba apa pea au ntanina. Ane tunggaiami manguli io, niuli “Io.” Ane tunggaiami manguli bara, niuli “Bara,” datikau narumpa pehuku.

Yakobu 5:19

Halalu-halalu! Ane ara i olomi hadua au morara ntani hangko i paturo au tou, hai ara wori hadua au monini mesule i Pue,

1 Yohane 2:21

Mewali, tunggaiaku moukiakau sura ide bara anti kadami moisa paturo au tou. Agaiana kuukiakau sura ide, lawi moisamokau paturo au tou, hai moisa worimokau kadana mpuu ara dongko au hangko i paturo au tou.