Titu 3:5 - Sura Malelaha

^5-6 Moapari hai Nahoremake hangko i huku dosanta? Ba Nahoremake lawi manoto babehianta? Bara. Nahoremake anti kamaahina laluNa. Yesu Kerisitu mate mohuru dosanta, mewali Datu Topehoremanta. Ido hai pane Pue Ala moweike Inao Malelaha au mokale i lalunta. Anti kuasana Inao Malelaha iti, Nabahoimoke hangko i dosanta, Napopewalike anaNa haduduaNa, hai Naweike katuwo au wou.

Titu 3:5 Mawu Ofanana

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Lukasi 1:50

Napopaitami ahiNa i ope-ope tauna au mengkoru Iria, duuna hawe i pemuleanda.

Lukasi 1:54

Pue Ala mopabukei dandiNa au Nadandi hangkoia i toiorunta Burahima hai i pemuleana. Ido hai ikita to Isaraeli Natulungike, hai Napopaitaake ahiNa hawe i hae-haena.”

Lukasi 1:72

Pue Ala motudungia ahiNa i toiorunta, hai mopabukei dandiNa au malelaha au Nadandi i toiorunta hangkoia.

Lukasi 1:78

anti kamaahina Pue Ala Amputa. Ia mai mosondakike hangko i suruga nodo pembetona alo.

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Roma 11:6

Napileihe bara anti kamaroana babehianda. Lawi ane rapana, Napileihe bona mohurungi babehianda au maroa, lempona kabulana laluna Pue Ala barapi buke.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Roma 3:28

Lawi idemi patoana lolitangku: ikita mewali manoto i peitana Pue Ala anti pepoinalainta, bara hangko i babehianta au maroa moula Aturana Musa.

Roma 4:5

Agaiana pohintuwuta hai Pue Ala bara nodo tauna au mampedurei, lawi Naimbake Pue Ala manoto i peitaNa bara anti kamaroana babehianta agaiana anti pepoinalainta Iria au mopamanoto tauna madosa.

Roma 9:11

Hangko damanihe rodua anangkoi iti mesupa hai raisa mobabehi apa pea au maroa ba au kadake, Napileimohe Pue Ala dati rauli Napileihe anti babehianda agaiana Napileihe moula peundeaNa haduduaNa.

Roma 9:16

Mewali, ane Pue Ala mampeinao motudungia ahiNa i hadua tauna, bara peundeana manusia au mopakanoto iti, bara wori rapakanoto anti babehiana manusia. Pue Ala peari au mopakanoto.

Roma 9:30

Mewali node: tauna au barahe to Yahudi barahe mohaoki rara bona mewalihe manoto i peitana Pue Ala. Agaiana arahe hantanga au mewali manoto i peitaNa. Pue Ala mopakanotohe i peitaNa anti pepoinalainda.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Epesu 2:4

Agaiana Pue Ala au buke kamaahi. Anti kamaroana laluna au Nakiraiaamoke.

Epesu 4:23

Ido hai hangangaa merapikau bona Pue Ala mowouki lalumi hai pekirimi.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

Titu 3:4

Nauri nodo kakadakena babehianta, agaiana Pue Ala mia-mia mampokakaiake hai Napopaitaamoke kamaroana laluNa i kaNahoremanta hangko i huku dosanta.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Ibarani 6:6

Mewali ane roo indo, raoaka mousuli hangko i pepoinalainda, barapohe peisa ranini hule bona menosohe hangko i dosanda. Anti posapuakanda Pue Yesu, himbela peahe mopaku hule Anana Pue Ala hai rakakabosai i lindonda tauna bosa.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Peturu 2:10

Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.