Titu 3:13 - Sura Malelaha

¹³ Ane Senas, guru agama iti, hai Apolo, kuperapi bona nipopelingka maroahe bona dati ara kamakuranda i polumaonda.

Titu 3:13 Mawu Ofanana

Matiu 22:35

Ara hadua guru agama hangko i olonda au mohaoki kamasalana lolitana Yesu hai pampekunena, nauli,

Lukasi 10:25

Ara hadua guru agama to Yahudi au mampeinao mampetandaka Yesu. Napekune, “Guru, apa au hangangaa kubabehi bona molambina katuwo maroa au bara mokahopoa?”

Lukasi 11:45

Hadua guru agama to Yahudi mouliangaa Yesu, “Ee Guru, ane nodo lolitaMu, ikami wori au Nusalai!”

Lukasi 11:52

Hurewumokau guru agama! Katouana, keikamumi au hangangaa mopaturo hangka rangami bona moisahe noumba rara lao i Pue Ala. Agaiana ikamuri au bara mounde mampeulai rara iti, hai nihombo worihe tauna au mampeinao moula rara au manoto.”

Lukasi 14:3

Yesu mekune i guru agama hai toParisi au ara inditi, Nauli, “Moula atura agamanta, ba peisake mopakaoha tomahai i Alo Pengkarooangaa, ba bara?”

Lukasi 7:30

Agaiana toParisi hai guru-guru agama mosapuakahe tunggaiana Pue Ala irihira, lawi barahe mampoperiu i Yohane.

Suro 15:3

Mewali, Paulu hai Baranaba rapopeangkamohe to Sarani i Antiokia hai raporangaihe hawe i raoa wanua. Hangko inditi, molumaomohe lao i Yerusale. I polumaonda iti, moliuhe i tampo Fenisia hai Samaria, hai i polumaoanda, motuntuhe noumba tauna au barahe to Yahudi mepoinalai worihe i Yesu. Bambari iti mopamatana lalunda ope-ope halalu hampepepoinalainda.

Suro 18:24

I tempo iti, ara hadua to Yahudi au hawe i wanua Epesu, hangana Apolo. Apolo iti mesupa i wanua Aleksandria. Ia mapande mololita, hai matumpali kana i ihi Sura Malelaha.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 21:5

Agaiana i temponami kapala tahi iti meangka, kiulimi batengki pea liliu lao i Yerusale. Mewali, ope-ope rangangki hai towawinenda hai ananda raporangaingkai lao i raoa wanua. I wiwi ntahi, molingkudu sambelamongkai hai mekakae.

Suro 28:10

Anti pebilanda tauna iti, raweingkai ngkaia anu-anunda. Hai i peangkaki, rabakuingkai, hai apa pea au kiparaluu raanti rawoli i lalu kapala tahi.

1 Korintu 16:11

Mewali, inee ara au bara mohaile. Nipopelingka maroa i pesulena mai iriko, lawi kupegia inde hihimbelahe hai halalunta hampepepoinalai.

1 Korintu 16:12

Kaliliuana, ane halalunta Apolo, bosami belana kuuliangaa, “Arahe halalunta au ina melingka lao i Korintu. Agina lao woriko hihimbela hai ihira.” Agaiana ide-ide bara mani naunde lao. Ararai katepakana, hangko laorikau nasondaki.