Titu 2:15 - Sura Malelaha

¹⁵ Mewali, Titu, ope-ope ide hangangaa nupaturoahe. Nupakaroho lalunda hai nuweihe lolita. Ineeko maea, lawi raweimoko kuasa mopaguruhe. Ineehe nupogiangaa bahema pea mopapakoiko.

Titu 2:15 Mawu Ofanana

Matiu 7:29

lawi pepaguruNa bara nodo guru-guru agama, agaiana nodo tauna au makuasa ntepuu.

Markus 1:22

Tingkaramohe tauna au mohadi paturoNa, lawi pepaguruNa bara nodo guru-guru agama. PepaguruNa, nodo tauna au makuasa ntepuu.

Markus 1:27

Tingkaramohe ope-ope tauna au moita iti, hai molololitahe, mombekune hadua hai hadua, rauli, “Apa wei dide? Ide paturo wou, hai tauna ide makuasa ntepuu! Mogalori tokadake, mampeulaihe hawaNa!”

Lukasi 4:36

Tingkaramohe ope-ope tauna au moita iti, alana mololitahe hadua hai hadua, rauli, “Apa wei dide? Makuasa mpuu lolitaNa! Mogalori seta, mampeulaihe hawaNa.”

1 Korintu 16:11

Mewali, inee ara au bara mohaile. Nipopelingka maroa i pesulena mai iriko, lawi kupegia inde hihimbelahe hai halalunta hampepepoinalai.

1 Timotiu 5:20

Ane ara mpuu salana, nukambaroa i lindonda jumaa bona au ntanina langahe mampeulai babehiana.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Titu 1:13

Tou mpuu apa au nauli tauna iti! Ido hai to Kreta au arahe inditi hangangaa nuwei mpuuhe lolita bona mepoinalai liliuhe i paturo au tou.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.