Titu 1:15 - Sura Malelaha

¹⁵ Tauna au malelaha, bara ara palianda. Agaiana i tauna au kadake hai au barahe mepoinalai, bara ara hampaka au malelaha, lawi maroa pekirinda ba lalunda kadake hahami.

Titu 1:15 Mawu Ofanana

Matiu 15:18

Agaiana lolitanta au kedai au hangko i lalunta hai mesuwu i humenta, itimi au mopakedaike i peitana Pue Ala.

Suro 10:15

Nauli mbuli wotu iti i Peturu, “Apa au nauli Pue Ala maroa, inee nuuli kedai moula ada agamamu.”

Roma 14:14

Anti pohintuwuku hai Pue Yesu, kuisa hai kupoinalai i lalungku kadana ara paande au rapalia i peitana Pue. Agaiana ane ara hadua tauna au manguli paande au hampaka rapalia, batena mpuu masala ane naande.

Roma 14:20

Inee tapakarugi pobagona Pue Ala anti popalia paande. Katouana, bara ara paande au rapalia. Agaiana bara maroa ane mokeloke ranganta hai apa au taande duuna manawohe i lalu dosa.

Roma 14:23

Agaiana ane ara hadua tauna au bata-bata laluna moande bau ba paande ntanina, hai kahopoana naande pea, lempona madosa, lawi au nababehi iti bara moula apa au napoinalai i laluna. Mewali, ane tababehi apa au bara moula pepoinalainta i Pue, babehianta iti tapodosa.

1 Korintu 10:23

Arakau au manguli, “Anti kanakabahanta Pue Ala hangko i huku dosanta, ido hai peisake mobabehi apa pea peundeata.” Tou, agaiana iko manguli, ope-ope peisa tababehi, agaiana ara au mobundu hai ara wori au bara mobundu. Peisake mobabehi apa peundeata, agaiana bara ope-ope ina mopakaroho laluna ranganta.

1 Korintu 10:25

Apa pea au rapobalu i pobalu-balua, peisa taholo hai taande. Inee tapepekune rapopenomba i anitu ba bara. Peisa taande hangko i kabulana lalunta,

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

1 Korintu 8:7

Agaiana nauri nodo, bara ope-ope to Sarani moisa iti. Arahe au menomba i anitu hangko damanihe mewali to Sarani, hai duuna ide-ide ane moitahe paande au rapopenomba i anitu, nauli lalunda, “Iti popenomba i anitu!” Mewali, ane maandehe paande iti, nauli lalunda, “Madosake,” lawi bata-bata mani lalunda ba peisa raande ba bara.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.