Suro 7:8 - Sura Malelaha

⁸ Hangko indo, Pue Ala mopakanoto dandiNa i Burahima hai hambua tanda, iami ada mpetile. Mewali, Burahima mopaarami Isaki, hai natilemi i alo kaualu hangko i karapoanakana. Kaliliuana Isaki mopaarami Yako. Hai Yako mopaara anana au hampulo hai rodua. Ihira itimi au mewali toiorunta.

Suro 7:8 Mawu Ofanana

Matiu 1:2

Burahima mopaara Isaki; Isaki mopaara Yako; Yako mopaara Yehuda hai halaluna;

Yohane 7:22

Agaiana ikamu, mobagoto worikau i Alo Pengkarooangaa ane motilekau anami au hangangaa ratile i alo iti, datikau moliungi atura mpetile au napaturoakau Musa hangkoia. (Katouana ada mpetile iti arami hangko damani Musa.)

Suro 2:29

Hangko inditi, napaliliumi Peturu lolitana, nauli, “Halalu-halalu, kuuliangaakau i katou-touana, bara watana haduduana au natunggai Daudi i lolitana iti. Lawi umanta Daudi, matemi hai ratawu. Talumbana taisa mani hawe ide-ide.

Roma 4:10

Impira Burahima mewali manoto i peitana Pue Ala? I karoona ratile ba hangko damani ratile? Ane tabasa tuntukana, taisa, Burahima mewali manoto i peitana Pue Ala hangko damani ratile.

Galatia 3:15

Halalu, kuala pandiri hangko i katuwonta alo-alona. Pandirina node: ara hadua tauna au mouki sura podandi. Ane sura iti ratekengi hai rapekatandai moula atura topoparenta, ihina barapi peisa ratambai tauna ntanina hai tunggaiana barapi peisa rabaliki.

Galatia 3:17

Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Ibarani 7:4

Mewali, peisa taita noumba kamahilena tuwona Melkisedek, lawi mogalori Burahima au mahile tuwona, au rapouma ope-ope to Yahudi, mobila wori Melkisedek hai mowei Melkisedek hangkira hampulo hangko i anu-anuna au nahumba i lalu pombeala.