Suro 7:32 - Sura Malelaha

³² ‘Ikomi Pue Ala au rapenombai toiorumu. Ikomi Pue Ala au rapenombai Burahima, Isaki hai Yako.’ Kanahadina Musa wotu iti, moradami anti kalangana, hai barapi bai moparesa api au rore iti.

Suro 7:32 Mawu Ofanana

Matiu 17:6

Karahadina topeguruNa wotu iti, madampamohe lawi rumihi kalanganda.

Matiu 22:32

‘Ikomi Pue Ala au rapenombai Burahima, Isaki, hai Yako.’ Lempona, nauri matehe Burahima, Isaki hai Yako, batena tuwohe, lawi tauna au menomba i Pue Ala, batena pea tauna au tuwo.”

Matiu 22:46

Bara ara hadua au mohanai. Mepongka i alo iti, barapi ara hadua au bai mekune ba apa-apa i Yesu.

Lukasi 5:8

Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 7:31

Tingkara mpuu Musa moita api iti, ido hai laomi nahungkuki napeinao bona naisa kaapana. Unga pea, nahadi wotuna Pue Ala au manguli:

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Pampetudungia 1:17

KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.