Suro 6:11 - Sura Malelaha

¹¹ Ido hai lao pearaihe mohuweki lalunda bahangkia tauna bona mobabehihe lolita au mosalai Setepanu, rauli, “Kihadi ia mopakoi pepaturona Musa hai mopakoi Pue Ala!”

Suro 6:11 Mawu Ofanana

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 9:29

Kiisa Pue Ala mopahawemi lolitaNa i Musa hangkoia. Agaiana tauna iti, bara kiisa ba hangko iumbaNa mai.”

Suro 15:21

Hangko i ope-ope Aturana Musa, hawa au bahangkia iti pea au tapahaweahe, datike mopakoi inaonda to Yahudi. Lawi hangkongkoiami, to Yahudi au maida i boea-boeana mobasa Sura Aturana Musa i Alo Pengkarooangaa i sou penombaa. Hai Atura iti rabambari i ope-ope boeanda.”

Suro 18:6

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”

Suro 21:28

monganga-ngangahe, rauli, “Halalu-halalu to Yahudi! Maimokau. Nidureingkai! Idemi tauna au lao iumba-umba pea mopahawe i ope-ope tauna paturona au moewake, mosapuaka Aturana Musa hai au mopakedai Souna Pue Ala ide! Nodo wori, ia moanti mai tauna au barahe to Yahudi i lalu Souna Pue Ala, mopakedai sou au malelaha ide.”

Suro 25:3

Merapihe i Festus bona i kamaroana laluna ia motudu tauna moanti Paulu lao i Yerusale. Moleri akalanda pea bona Paulu rapapate i tanga rara.

Suro 25:7

Kahawena Paulu inditi, aramohe to Yahudi au hangko i Yerusale meangka motoleliki Paulu, hai rasalai. Ngkaia pakana pepakanawo au kadake au raraia, agaiana popahawenda iti bara peisa rapakanoto.

Suro 26:11

Bosa belanda kupopeahi-ahi i lalu sou penombaa, hai kupari-parihe mosapuaka pepoinalainda i Yesu. Masodo mpuuna moitahe, ido hai hawena i boea-boea au karao mampopeahi-ahihe.”

Suro 6:10

Agaiana tauna iti bara rabuku mohanai apa au nauli Setepanu, lawi Inaona Pue Ala mopakanoto laluna mololita.

Suro 6:12

Karahadina tauna bosa lolitanda au mesalai iti, rumpumohe hihimbela hai tadulakonda to Yahudi hai guru-guru agama, pane laomohe mohaka Setepanu raanti i lindonda tadulako agama.

Suro 6:13

Kahawenda inditi, moanti worimohe bahangkia tauna bona mewalihe sabi au bara tou. Rauli sabi iti, “Tauna iti mopakoi liliu Souna Pue Ala hai mopakoi Aturana Musa!

Roma 3:8

Ane nodori, peisa tauli, “Agina tababehi peami babehia au kadake bona mesupa au maroa.” Ara tauna au mopahala bataka lolitangku, rauli mololitana nodo. Tauna iti, hintoto mpuuhe nahuku Pue Ala.

1 Timotiu 1:13

Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.