Suro 5:18 - Sura Malelaha

¹⁸ Mohakamohe surona Pue Yesu iti hai ratarungguhe.

Suro 5:18 Mawu Ofanana

Matiu 4:12

Bara mani mahae hangko inditi, Yohane Toperiu rahaka hai ratarunggu. Kanahadina Yesu bambari iti, lao hulemi i boea Nasare i tampo Galilea.

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Suro 4:3

Ido hai suro au rodua iti rahakahe hai rapopesua i lalu tarunggu. Ratahahe indo hawe madondo lawi ina kaindimi.

Suro 8:3

Hai i tempo iti, Saulu mampopeahi-ahi liliu tauna au mepoinalaihe i Pue Yesu. Ope-ope sounda nasuaki, hai ope-ope tauna au mepoinalai i Yesu, maroa tobalilo maroa towawine, nahakahe hai naantihe lao ratarunggu.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

Ibarani 11:36

Arahe au rakakabosai hai rakandangi, ara worihe au rataka hai ratarunggu.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.