Suro 4:32 - Sura Malelaha

³² Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Suro 4:32 Mawu Ofanana

Yohane 17:11

Ina mesulemoNa Irio Uma, barapoNa mahae i dunia ide. Agaiana topeulaNgkuhe ide, i dunia manihe. O UmaNgku au malelaha, Kuperapi Nukampaihe hai kuasana hangaMu au NuweimoNa. Nukadipuramohe bona hampepekiri peahe, nodo Oio hai Iko hampepekiriKe.

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Suro 2:1

Kahawena alo mahilenda to Yahudi au rahanga Alo Pentakosta, ope-ope tauna au mepoinalai i Yesu moguluhe i hambua paidaa.

Suro 5:12

Surona Pue Yesu mobabehihe ngkaia tanda au metingkarai i olonda tauna bosa. Ope-ope tauna au mepoinalai i Yesu, hampepekirihe hai paka teruhuhe i Tambale Salomo i Souna Pue Ala.

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.