Suro 4:21 - Sura Malelaha

²¹ Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

Suro 4:21 Mawu Ofanana

Matiu 15:31

Tingkaramohe tauna bosa moita ope-ope tauna au napakaoha Yesu: tauna au bara peisa mololita, mololitamohe, au bara masilolonga watanda, maroa hulemi watanda, au palu molumaomohe, au bilo meitamohe. Ido hai tauna iti mampomahile Pue Ala au rapenombai to Yahudi.

Matiu 21:46

Ido hai rahaokimi rara bona mohaka Yesu, agaiana barahe bai. Mampokalangahe tauna bosa, lawi rauli tauna bosa Yesu iti iami hadua nabi.

Matiu 26:5

Agaiana rauli wori, “Inee hampai tahaka i alo mahile dati ara pohiho i olonda tauna bosa.”

Matiu 9:33

Yesu mampopelohomi seta hangko i tauna iti, pane peisami mololita. Rapotingkara tauna bosa moita au mewali iti, rauli, “Mahile ntepuu kuasaNa! Bara mani hambela taita au nodo Ia i tamponda to Isaraeli!”

Matiu 9:8

Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Lukasi 13:17

Lolitana Yesu iti mopakaeahe timaliNa, agaiana tauna bosa mampokatana ope-ope tanda kuasa au nababehi Yesu iti.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Lukasi 20:6

Agaiana ane tauli kuasana hangko i manusia pea, hangangaa rawatuike tauna bosa, lawi ope-ope tauna manguli Yohane iti hadua nabi.”

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Lukasi 5:26

Tingkara mpuuhe ope-ope tauna au moita, hai motoiahe Pue Ala. Langa worihe, rauli, Metingkarai mpuu apa au taita inona!”

Suro 4:17

Agaiana bona dati rahadi humalele tauna, agina tapopalangahe hai takontohe bona ineehe mololita i hema pea kana i Yesu.”

Suro 4:22

Topalu au rapakaohami iti, tinuwuna labimi iba pulona parena.

Suro 5:13

Tauna au barahe mepoinalai i Yesu, barahe bai meguluki irihira. Agaiana nauri nodo, ope-ope topepoinalai rabila mpuuhe tauna bosa.

Suro 5:26

Ido hai laomi tadulako surodado hihimbela hai ranganahe i Souna Pue Ala mangala suro iti. Barahe hampai mokakarumpui ba mopapahai Suro iti, lawi langahe rawatui tauna bosa.

Suro 5:40

Roo indo, suro iti rakakio hulemohe, rapapahaihe hai rauliangaahe, “Ineemokau mepaturo mokabelai hangana Yesu!” Hangko indo, rakabahamohe.