Suro 3:2 - Sura Malelaha

² I babaka au rahanga Babaka Makara, ara hadua tobalilo au palu hangko i pesupaana. Alo-alona tauna iti raanti lao rapopohuda hungku i babaka iti i Souna Pue Ala bona merapi-rapi i tauna au mesua inditi.

Suro 3:2 Mawu Ofanana

Lukasi 16:20

I baba souna, ara hadua tauna au meahi-ahi tuwona, hangana Lasaru. Watana buke tangga.

Lukasi 18:35

Hungkumi Yesu i boea Yeriko, ara hadua tobilo au mohuda merapi-rapi, i wiwi rara.

Yohane 9:8

Hangko inditi, hintonggina hai tauna au biasa moita ia merapi-rapi, mombekune-kunehe, rauli, “Hemari dolou? Bara pae ia tobilo au biasa mohuda merapi-rapi?”

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.

Suro 10:4

Langa mpuu Kornelius mototoki malaeka iti, ido hai nauli, “Tua, apari tunggaiamu?” Mehana malaeka iti, nauli, “Nahadimi Pue Ala pekakaemu, hai Naisa kamagolona lalumu motulungi tauna au meahi-ahi.

Suro 14:8

I wanua Listra, ara hadua tobalilo au mohuda liliu pea lawi palu hangko i karapoanakana. Tauna iti bara mani hambela peisa nabuku lumao.

Suro 3:10

Tingkara mpuuhe hai wuli lalunda moita au mewali iti, lawi raisa tauna iti iami topalu au merapi-rapi alo-alona i Babaka Makara i Souna Pue Ala.

Suro 4:22

Topalu au rapakaohami iti, tinuwuna labimi iba pulona parena.