Suro 3:16 - Sura Malelaha

¹⁶ Kuasa hangko i Yesu, iti au mopakaroho biti topalu ide. Mewali, anti pepoinalaingki i Yesu pane kibuku mopakaoha tauna ide nodo au niita hai nisabiki.

Suro 3:16 Mawu Ofanana

Matiu 14:29

Nahanai Yesu, “Maimoko!” Mendaulu mpuumi Peturu hangko i duanga, hai molumaomi i wongko owai monontohi Yesu.

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Yohane 7:23

Mewali, ane metilekau i Alo Pengkarooangaa datikau moliungi Aturana Musa, moapari hai nikarumpuiNa ane mopakaohaNa tauna i Alo Pengkarooangaa bona maroa watana?

Suro 14:9

Topalu iti mohuda mampehadingi Paulu mololita. Paulu mototoki topalu iti, naisami kamepoinalaina, ido hai ia peisa rapakaoha.

Suro 16:18

I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.

Suro 3:6

Agaiana nauli Peturu, “Bara ara doi irikami. Agaiana apa au ara irikami, iti au kiweiko: i lalu hangana Yesu Kerisitu to Nasare, peangka hai lumaomoko!”

Suro 3:8

Mesendemi meangka, hai molumao node hou node mai. Roo indo, mesuami i lalu Souna Pue Ala hihimbela hai Peturu hai Yohane, molumao hai melumpa-lumpa motoia Pue Ala.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 4:30

Nupopaitaahe kuasaMu Pue. Nuweingkai kuasa hangko i Yesu, tuduaMu au Malelaha bona kibuku mopakaoha tauna au mahai hai mobabehi tanda au metingkarai.”

Suro 4:7

Teruhu hahamohe, motudumohe tauna lao moala Peturu hai Yohane raanti i lindonda. Kahawenda, mekunemohe tadulako iti i Peturu hai Yohane, rauli, “Noumba pane nibuku mopakaoha topalu iti? Hangko iumba mai rohomi, hai hema au moweikau kuasa mobabehi iti?”

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.