Suro 3:14 - Sura Malelaha

¹⁴ Malelaha hai manoto laluNa, agaiana nisapuakari, hai niperapi i Pilatu bona nakabahaakau hadua topepapate.

Suro 3:14 Mawu Ofanana

Matiu 27:20

Agaiana kapala-kapala tadulako mpenomba hai totosaenda to Yahudi mohuweki lalunda tauna bosa, rauliangaahe, “Niperapi i Gubernur bona Baraba nakabaha hai Yesu nahuku mate!”

Markus 1:24

“Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala.”

Markus 15:11

Agaiana kapala-kapala tadulako mpenomba mohuweki lalunda tauna bosa bona raperapi Baraba au rakabahaahe.

Markus 15:7

I pare iti, ara hadua toratarunggu au meewa i topoparenta, hangana Baraba. Baraba hai rangana mopapatehe tauna i lalu peewanda i topoparenta Roma.

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Yohane 16:10

Ia ina mopatongawa kamanotoNgku, lawi ina laomoNa i UmaNgku, hai barapoNa niita.

Yohane 18:40

Monganga-ngangamohe, rauli, “Inee, inee Ia! Aginari Baraba!” (Baraba iti, hadua au moewa topoparenta.)

Suro 13:28

Nauri bara rahumba salaNa au hintoto rahukua mate, agaiana raperapi liliu i Pilatu bona rapapate.

Suro 2:27

Lawi Oio Pue, bara Nupogiangaa watangku maida i lalu dunia tomate. TaunaMu au malelaha bara Nupogiangaa moita kapate.

Suro 22:14

Roo indo, nauliangaa mbulina, ‘Pue Ala au rapenombai toiorunta hangkoia mopileimoko bona nuisa apa peundeaNa. Napileiko bona moitako Yesu, Hawina Pue Ala au manoto, hai bona nuhadi lolitaNa.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Suro 5:28

“Kikontomokau hangkoia, ineekau mepaturo mokabelai hangana Yesu. Peita au nibabehi! I humalele wanua Yerusale bosa tauna mampehadingi paturomi iti! Ba nipehangu ikami au masala i karapapatena tauna iti?”

Suro 7:52

Toiorumi mampopeahi-ahimohe nabi-nabi hangkoia; ihira mopapatehe tuduana Pue Ala au mobambari kaina hawena hadua Tuduana Pue Ala au Manoto. TuduaNa au Manoto iti ide-ide nisapuaka hai nipapatemi.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Yakobu 5:6

Mohuku hai mopapatemokau tauna au barahe masala, hai barahe meewa.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.