Suro 3:13 - Sura Malelaha

¹³ Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 3:13 Mawu Ofanana

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 20:19

Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Matiu 22:32

‘Ikomi Pue Ala au rapenombai Burahima, Isaki, hai Yako.’ Lempona, nauri matehe Burahima, Isaki hai Yako, batena tuwohe, lawi tauna au menomba i Pue Ala, batena pea tauna au tuwo.”

Matiu 27:2

Roo indo, Yesu rahilu taieNa hai raanti lao i lindona Gubernur Pilatu.

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Markus 15:11

Agaiana kapala-kapala tadulako mpenomba mohuweki lalunda tauna bosa bona raperapi Baraba au rakabahaahe.

Lukasi 22:57

Nasapuaka Peturu, nauli, “Bara kuisa tauna iti!”

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

Lukasi 6:37

“Ineekau mosalai hangka rangami dati worikau nasalai Pue Ala. Inee niuli tauna ntanina au masala hangangaa rahuku, hai ikamu bara worikau ina nahuku Pue Ala. Niampungi kamasalana rangami, bona naampungi worikau Pue Ala.

Yohane 12:16

I tempo iti, bara mani raisa topeguruna apa lempona au mewali iti. Agaiana karapopeawanami Yesu i karapapatena, hangko rakatuinaori topeguruNa apa au teuki i lalu Sura Malelaha au mopahawe amimi apa au mewali i Yesu.

Yohane 18:40

Monganga-ngangamohe, rauli, “Inee, inee Ia! Aginari Baraba!” (Baraba iti, hadua au moewa topoparenta.)

Yohane 19:11

Nauli Yesu, “Ane barako nawei Pue Ala kuasa iti, bara ara kuasamu Iriko. Mewali, hema au mohuhuNa irio, meliu kamahilena dosana hangko irio.”

Yohane 19:12

Mepongka indo, Pilatu mohaoki rara bona mokabaha Yesu. Agaiana monganga mbulimohe tadulakonda to Yahudi, rauli, “Ane nukabaha, barako rangana Kaisar! Yesu iti mouli kaIana datu, mewali Ia moewa Kaisar!”

Yohane 19:15

Monganga-ngangamohe, rauli, “Papate! Papate! Papate i kau mombehape!” Nauli Pilatu, “Nipopepaku pae i kau mombehape ide datumi?” Rahanai kapala-kapala tadulako mpenomba, “Kaisar pea datungki.”

Yohane 7:39

(Au natunggai lolitana Yesu iami Inao Malelaha, au ina mendaulu i tauna au mepoinalai Iria. I tempona Yesu mololita nodo, Inao Malelaha bara mani mendaulu i topeulaNa, lawi Yesu bara mani rapopeawa.)

Suro 22:14

Roo indo, nauliangaa mbulina, ‘Pue Ala au rapenombai toiorunta hangkoia mopileimoko bona nuisa apa peundeaNa. Napileiko bona moitako Yesu, Hawina Pue Ala au manoto, hai bona nuhadi lolitaNa.

Suro 24:14

Agaiana kupangaku i Tua: kamampeulaingku Paturona Pue Yesu au rasapuaka iwalingku. Moula paturo iti, menombana i Pue Ala au rapenombai toiorungki hangkoia, hai batena kupoinalai ope-ope au teuki i lalu Aturana Musa hai Sura Nabi-Nabi.

Suro 3:12

Kanaitanda Peturu tauna bosa iti, nauliangaahe, “Halalungku to Yahudi! Moapari hai nipotingkara apa au niita ide? Moapari hai nitotoki liliungkai? Ba niuliri, tauna ide molumao anti kuasangki, ba hangko i kamalelahana lalungki? Bara!

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Suro 4:30

Nupopaitaahe kuasaMu Pue. Nuweingkai kuasa hangko i Yesu, tuduaMu au Malelaha bona kibuku mopakaoha tauna au mahai hai mobabehi tanda au metingkarai.”

Suro 7:32

‘Ikomi Pue Ala au rapenombai toiorumu. Ikomi Pue Ala au rapenombai Burahima, Isaki hai Yako.’ Kanahadina Musa wotu iti, moradami anti kalangana, hai barapi bai moparesa api au rore iti.

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,