Suro 22:22 - Sura Malelaha

²² Tauna bosa au tanganda mampehadingi Paulu mololita unga peahe monganga-nganga, lawi mohadihe lolitana paulu, au manguli kaina laona i tauna au bara to Yahudi. Mongangahe masisimbuku, rauli, “Nipapate peami! Barapi hintoto tuwo!”

Suro 22:22 Mawu Ofanana

Lukasi 23:18

Karahadina tauna bosa lolitana, monganga-ngangamohe rauli, “Ia hangangaa rapapate! Baraba au nukabaha!”

Yohane 19:15

Monganga-ngangamohe, rauli, “Papate! Papate! Papate i kau mombehape!” Nauli Pilatu, “Nipopepaku pae i kau mombehape ide datumi?” Rahanai kapala-kapala tadulako mpenomba, “Kaisar pea datungki.”

Suro 21:36

Tauna bosa meula liliuhe, hai monganga-ngangahe, rauli, “Nipapate peamide!”

Suro 25:24

Hangko inditi, Festus mololita nauli, “Datu Agripa, uma-uma hai ope-ope au teruhu inde! Tauna ide rasalai ope-ope to Yahudi, maroa i Yerusale, maroa inde. Monganga-ngangahe merapi iriko bona tauna ide rahuku mate.

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.