Suro 20:7 - Sura Malelaha

⁷ I alo kaisa minggu iti, mogulumongkai maande sambela hai halalu hampepepoinalaingki i Troas i pokatuinaongki kapatena Pue Yesu. Paulu mololita mepaturo hawe mahae wengi, lawi kahalona meangkami.

Suro 20:7 Mawu Ofanana

Markus 16:9

[Pearona Yesu hangko i kapate madondo-dondo i alo Minggu, nguru-nguruna Ia mopatongawa wataNa i Maria Magdalena. Maria iti, au napakaoha Yesu hangkoia i kanapesuangina pitu seta.

Lukasi 22:19

Roo nodo, Yesu moala mbuli roti hai mekakae i Pue Ala. Roo nodo, roti iti Nabise-bise hai Nakira-kiraahe, Nauli, “Idemi wataNgku au Kuhuhu mopahurukau. Nibabehimi ada ide bona nikatuinaoNa.”

Lukasi 24:35

Mewali, tauna au rodua iti motuntua worihe ope-ope au mewali i tanga rara inona, hai mopahaweahe apa au mewali i tempona Yesu mobise-bise roti, lawi i tempo iti, hangko manotori i lalunda kaYesunami au ara hihimbela hai ihira.

Yohane 20:1

Hungku mabaa alo Minggu, laomi Maria Magdalena i talumba. Hawe inditi, liliu naita watu petuko talumba telolimi.

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 20:26

Liumi haminggu, mogulu mbulimohe topeguruna Yesu i lalu sou iti. I tempo iti, Tomas ara womi indo. Hai ope-ope baba ragilimi. Nauri nodo, unga pea Yesu ara meangka i olonda, hai mololita, Nauli, “Roa ngkatuwo hawe irikamu.”

Suro 16:10

Karoona Paulu moita pampetudungia iti, mangkadipurangkai hai hoholigangkai lao i tampo Makedonia, lawi manotomi kanatudungki Pue Ala mobambari Ngkora Marasa i tauna au arahe inditi.

Suro 2:42

Roo indo, bosa tauna au hangko mepoinalai i Yesu mampehadingi paturonda surona Pue Yesu, hai teruhu liliuhe. Maande sambelahe, mokira-kirahe roti anti pokatuinaonda Pue Yesu, hai mekakaehe.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 20:11

Roo indo, mengkahe hulemi Paulu lao i wongko mobise-bise roti, hai maande sambelahe. Mololita mbuli Paulu hawe mabaa, hangko meangkari.

Suro 20:5

Mewali, hangko i tampo Makedonia, ihira moiorumohe, hai rapegiangkai i wanua Troas.

Suro 20:9

I poteruhuangki, ara hadua anantomoane, hangana Eutikus. Ia mohuda i sungkeke lincu iti. Lincu iti katalu usuna hangko i tampo. Anti kamahaena Paulu mololita, maleluemi anantomoane iti hai leta ntundami, ido hai manawo toa i tampo. Mendaulumohe rangana lao moangka, rapeita matemi.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

1 Korintu 10:16

Ane maenuke anggoro i paande roti hai tauli ngkaia kamaroana i Pue Ala, lempona mokatuinaoke wahena Kerisitu au tebumbuhami i kau mombehape. Ada iti mopakanoto kaikitana tauna au Napahuru Kerisitu hai waheNa. Hai ane moandeke roti au rakira-kiraake lempona mokatuinaoke kapatena Kerisitu i kau mombehape. Ada iti mopakanoto pohintuwuta hai watana Kerisitu.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 16:2

Inee nipegia kahawengku, agaiana minggu-mingguna i alo kaisa, nipatanimi doi iti i soumi moula polambiami hadua-hadua, hai niwoli doi iti maroa-roa duungku hawe.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Pampetudungia 1:10

I Alo Penombaa, tangangku menomba nakuasaina Inao Malelaha, hai mohadina wotu i taleungku. Wotu iti kebuu mpuu nodo pomoni tatamburu,