Suro 2:42 - Sura Malelaha

⁴² Roo indo, bosa tauna au hangko mepoinalai i Yesu mampehadingi paturonda surona Pue Yesu, hai teruhu liliuhe. Maande sambelahe, mokira-kirahe roti anti pokatuinaonda Pue Yesu, hai mekakaehe.

Suro 2:42 Mawu Ofanana

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

Lukasi 24:35

Mewali, tauna au rodua iti motuntua worihe ope-ope au mewali i tanga rara inona, hai mopahaweahe apa au mewali i tempona Yesu mobise-bise roti, lawi i tempo iti, hangko manotori i lalunda kaYesunami au ara hihimbela hai ihira.

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 20:11

Roo indo, mengkahe hulemi Paulu lao i wongko mobise-bise roti, hai maande sambelahe. Mololita mbuli Paulu hawe mabaa, hangko meangkari.

Suro 20:7

I alo kaisa minggu iti, mogulumongkai maande sambela hai halalu hampepepoinalaingki i Troas i pokatuinaongki kapatena Pue Yesu. Paulu mololita mepaturo hawe mahae wengi, lawi kahalona meangkami.

Suro 4:23

Karakabahanda Peturu hai Yohane, laomohe mampohidupaa ranganda, hai rapololita apa au rauliangaahe kapala-kapala tadulako mpenomba hai totosaenda to Yahudi.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 6:4

Lawi ikami hangangaa mekakae hai mobambaringkai Ngkorana Pue Ala.”

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

1 Korintu 10:21

Ane maenukau anggoro i penombaami i Pue Yesu, bara hintoto ane lao worikau maenu anggoro hihimbela hai ihira au menombahe i tokadake. Ane maandekau roti mokatuinao kapatena Pue, bara wori hintoto ane laokau maande sambela hai ihira au menombahe i tokadake.

1 Korintu 11:2

Kaliliuana halalu, kutoiakau lawi i paka-pakana nikatuinao liliuna, hai nipeulai liliu paturongku au kupahaweakau.

1 Korintu 14:6

Mewali halalu, ane rapana maina irikamu, hai mololitana i lalu basa au hangko i Inao Malelaha, apami bunduna irikamu? Agaiana ane mopakanotona tunggaiana Pue Ala ba mopahawena bambari hangko i Pue Ala au bara mani niisa, ba moantina Ngkorana Pue, ba mepaturona, hangko arari pobunduana irikamu.

Galatia 1:6

Kupotingkara mpuu halalu! Bara manikau mahae nakakio Pue Ala anti kabulana laluna Kerisitu bona mampoinalaikau Ngkora Marasa. Agaiana ide-ide barapokau mengkoru i Pue Ala, moularikau paturo au ntanina.

Epesu 2:20

Ikita au mepoinalai i Yesu peisake rapandiri nodo sou au naaro Pue Ala. Surona Pue Yesu hai nabi-nabi, ihirami ariina. Hai Kerisitu Yesu, iami watu pohudaa sou.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Pilipi 1:5

lawi hangko i nguru-nguruna duuna ide-ide nidurei liliuna i lalu pobagongku mopahawe Ngkora Marasa au hangko i Pue Ala.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.

2 Timotiu 3:14

Agaiana oio Timotiu, hangangaa mokingki liliuko paturo au roomoko rapaturoa hai au nupoinalaimi. Hai nuisa katouna paturo iti, lawi nuisa kahemanda au mopaguruko.

Ibarani 10:25

Ineeke mokaraohi pogulu-gulu i lalu penomba, nodo au rababehi tauna ntanina, agaiana hangangaa hirampu liliuke menomba bona peisake mombepakaroho mpolalu, pelumbunami i tempo ide, lawi taisa barapi mahae Pue ina hawemi.

Ibarani 10:39

Agaiana ikita ide, halalu, barake tauna au mousuli hangko i pepoinalainta, hai au ina rahuku. Ikita ide, tauna au mepoinalai hai au molambi katuwo maroa.

1 Yohane 1:3

Apa au kiita hai kihadimi, iti au kipahaweakau bona ikamu wori mepoinalaikau hai peisakau mohintuwu hai ikami i lalu pohintuwuki hai Pue Ala Umanta hai Yesu Kerisitu AnaNa.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

Yudasi 1:20

Agaiana ikamu halalungku au kupokaahi! Hangangaa mombepakaroho mpolalukau bona maroho pepoinalaimi, lawi paturo au tapoinalai iti malelaha. Hai Mekakae liliukau moula peninina Inao Malelaha.