Suro 18:7 - Sura Malelaha

⁷ Hai lao mpuumi Paulu i sou au ara i hola sou penombaa. Ampu sou iti, bara to Yahudi, agaiana ia menomba i Pue Ala. Hangana Titius Yustus.

Suro 18:7 Mawu Ofanana

Yohane 9:31

Taisa Pue Ala bara mohanai perapinda tauna au madosa, agaiana Ia mampehadingi pamperapina tauna au mengkoru Iria hai au mampeulai hawaNa.

Suro 10:2

Ia bara to Yahudi, agaiana mengkoru mpuu i Pue Ala, hai ope-ope hantambiana menomba worihe i Pue Ala. Kornelius motulungi liliuhe to Yahudi au meahi-ahi, hai ia mekakae peami i Pue Ala.

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 13:42

I temponda Paulu hai Baranaba ina padu, tauna au i sou penombaa merapimohe bona Paulu hai Baranaba mai mbulihe i alo Penomba au ina mai bona mopakanotoa hulehe paturonda iti.

Suro 13:43

Roo indo, padumohe hangko i sou penombaa, hai bosa to Yahudi meula i Paulu hai Baranaba. Ara worihe au bara to Yahudi, agaiana au moagama Yahudihe, meulahe irihira. Paulu hai Baranaba mopaturohe bona maroho liliu pepoinalainda i Pue Ala au moweihe katuwo maroa hangko i kabulana laluNa.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 17:4

Arahe to Yahudi au modoko lolita iti hai au meulahe i Paulu hai Silas. Ara worihe tauna ntanina au mepoinalai, tepesua bosa to Yunani au mengkoru i Pue Ala hai bosa wori towawine au teadai.

Kolose 4:11

Tabeana wori Yesu, au rahanga wori Yustus. Hangko i ope-ope to Yahudi au mepoinalai i Pue Yesu, ihira pea talu ide au mobago hihimbela hai iko mampopolumao bago poparentana Pue Ala hai mopakarohohe lalungku.