Suro 16:6 - Sura Malelaha

⁶ Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 16:6 Mawu Ofanana

Lukasi 1:2

Au rauki i lalu suranda iami au rapahaweamoke tauna au moita mata apa au mewali hangko i nguru-nguruna, hai tauna iti mewalihe topobambari Ngkora Marasa.

Suro 10:19

Mewali, tangana mani Peturu mampempekiri ope-ope au hangko naita, mololitami Inao Malelaha iria, manguli, “Pehadingi, arahe talu tobalilo au maiko mohaoki.

Suro 11:12

I tempo iti, Inao Malelaha mouliangaana: ‘Peturu, ineeko mampopontani tauna; peulamide irihira.’ Mewali, lao mpuumona hihimbela hai ihira. Hai ara wori sabingku inde, lawi halalunta hampepepoinalai au inihe ide mamporangaina lao i Kaisarea. Kahawengki i souna Kornelius, mesuamongkai i lalu.

Suro 16:7

Kahawenda i pariolo Frigia hai Misia, ina laohe i tampo Bitinia, agaiana Inao Malelaha au hangko i Pue Yesu mokontohe bona ineehe lao inditi.

Suro 18:23

Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Suro 19:10

Idomi bagona i lalu rompare, duuna ope-ope tauna i propinsi Asia mohadihe Ngkorana Pue, maroa to Yahudi maroa au bara to Yahudi.

Suro 20:16

Paulu mopakanoto kadangki hampai mehupe i wanua Epesu dati gagangkai mahae i propinsi Asia. Ia mopahumpe polumaongki, lawi naunde polo hawe i Yerusale hangko damani hawe alo mahile au rahanga Pentakosta.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Suro 20:4

I polumaona iti, ara wori bahangkia rangana au lao sambelahe hai ia. Hanganda, Sopater anana Perus au hangko i Berea, Aristarkus hai Sekundus au hangko i Tesalonika, hai Gayu au hangko i Derbe. Ara wori Timotiu hai rodua au hangko i Asia iamohe Tikikus hai Tropimus.

Suro 21:27

Ina hopomi pitu alona au rapakanoto, ara bahangkia to Yahudi hangko i propinsi Asia au moita Paulu i Souna Pue Ala. Ihira mohuwekihe lalunda tauna bosa bona mohakahe Paulu,

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

Suro 8:29

I tempo iti, Inaona Pue Ala mouliangaa Pilipu, “Lao nuhungkuki olou kareta.”

Roma 16:5

Nipahawea worina tabeangku i ope-ope halalunta hampepepoinalai au teruhuhe i sounda Priskila hai Akwila. Tabeangku wori i Epenetus au kupokaahi. Iami au nguru-nguruna mepoinalai i Kerisitu i propinsi Asia.

1 Korintu 12:11

Agaiana ope-ope iti nakiraiake Inao Malelaha au hadua pea. Iami au moweike kapande au montani-ntani moula peundeaNa haduduaNa.

1 Korintu 16:1

Kaliliuana halalu, ina mololitana kana i doi au nigulu bona nipopotulungihe halalunta hampepepoinalai au meahi-ahi tuwonda i wanua Yerusale. Kuperapi bona nibabehi iti moula apa au kuhawaamohe to Sarani au ara i tampo Galatia.

1 Korintu 16:19

Ope-ope jumaa au ara i propinsi Asia mopakatuhe tabeanda irikamu. Akwila hai Priskila hihimbela hai ope-ope to Sarani au maminggu i sounda mopakatuhe tabeanda i lalu hangana Pue.

2 Korintu 1:8

Halalu bona niisa, rumihi mpuu kapari au morumpangkai hangkoia i propinsi Asia, meliu hangko i pebukuangki. Mapari mpuu lalungki, barapi ara peharungangki tuwo.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

2 Timotiu 1:15

Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

1 Peturu 1:1

Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,