Suro 16:3 - Sura Malelaha

³ Peundeana Paulu bona Timotiu meula iria mobambari Ngkora Marasa. Ido hai Timotiu napopetile moula Aturana Musa. Tunggaiana bona radoko pea to Yahudi, lawi ope-ope to Yahudi i tampo iti moisa katoYunanina umana.

Suro 16:3 Mawu Ofanana

Suro 15:20

Agina taukiahe hambua sura mopaturohe bona ineehe moande paande au rapopenomba i anitu, ineehe maande wahe hai ineehe maande bau hangko i binata au matempudu. Hai tauliangaa worihe bona ineehe motambi-tambi dele hai ineehe mebualosi.

Suro 15:37

Baranaba mampeinao moanti Yohane au rauli Markus i polumaonda iti,

Suro 15:40

Paulu mopilei Silas naporanga. Hai rapopelingkahe halalu hampepepoinalainda i wanua Antiokia, rapekakaengaahe bona Pue Ala mokadipurahe hai ahiNa i lalu polumaonda.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

1 Korintu 9:20

Ane mobambarina Ngkora Marasa i to Yahudi, mewalina nodo hadua to Yahudi bona bosa to Yahudi kuanti mepoinalai i Kerisitu. Ane iko hihimbela hai tauna au moula Aturana Musa, moula worina Atura iti. Katouana barana tetaka i Aturana Musa, agaiana kupeulai mpuu bona tauna iti kuanti mepoinalai i Kerisitu.

Galatia 2:3

Titu au kuporanga, ia hadua to Yunani, agaiana barato rapari-pari bona ratile moula adanda to Yahudi hintoto hai Aturana Musa,

Galatia 2:8

Lawi Pue Ala mowei karoho i Peturu bona mewali surona Pue Yesu i to Yahudi. Hai Pue Ala moweina karoho bona mewalina suroNa i tauna au barahe to Yahudi.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Pilipi 2:22

Agaiana Timotiu, niisami kamantahana i lalu pobagona, lawi ia mobagomi hihimbela hai iko mopahawe Ngkora Marasa nodo hadua anangkoi modurei umana.