Suro 14:1 - Sura Malelaha

¹ Apa au mewali i wanua Antiokia, iti wori au mewali i wanua Ikonium. Nodo au biasa rababehi Paulu hai Baranaba laohe i sou penombaanda to Yahudi mopahawe Ngkora Marasa i tauna au teruhuhe inditi, alana bosahe to Yahudi hai au barahe to Yahudi mepoinalai i Yesu.

Suro 14:1 Mawu Ofanana

Yohane 12:20

Bosa tauna lao i Yerusale menomba i Pue i Alo Posusa Pasa. I olonda tauna iti, ara worihe bahangkia to Yunani.

Yohane 7:35

Wulimohe tadulakonda to Yahudi mohadi lolitaNa, hai mombekune-kunemohe, rauli, “Ina laori wei iumba pane Nauli barapi talambi? Ba ina lao i tampo ntanina maida hihimbela hai to Yahudi au mampogaloahe to Yunani bona mopaguruhe to Yunani inditi?

Suro 11:21

Kuasana Pue ara hihimbela hai ihira, alana bosa to Antiokia mepoinalai hai meula i Pue Yesu.

Suro 13:43

Roo indo, padumohe hangko i sou penombaa, hai bosa to Yahudi meula i Paulu hai Baranaba. Ara worihe au bara to Yahudi, agaiana au moagama Yahudihe, meulahe irihira. Paulu hai Baranaba mopaturohe bona maroho liliu pepoinalainda i Pue Ala au moweihe katuwo maroa hangko i kabulana laluNa.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Suro 13:5

Kahawenda i boea Salamis, mopahawemohe Ngkorana Pue Ala i sou penombaanda to Yahudi. Yohane au rakakio wori Markus modureihe i lalu bagonda iti.

Suro 13:51

Mewali, Paulu hai Baranaba motarontamohe awu au ara i bitinda, tanda kadanapi ihira au mohuru ane Pue Ala mohukuhe ampu boea iti. Hai roo indo, laomohe i wanua Ikonium.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:2

Agaiana to Yahudi au barahe mepoinalai mohuwekihe lalunda tauna bosa au bara to Yahudi bona mokahihihe tauna au mepoinalai i Pue Yesu.

Suro 14:21

I wanua Derbe, Paulu hai Baranaba mopahawe worihe Ngkora Marasa, alana bosa tauna mepoinalai i Yesu. Roo indo, mesulemohe lao i wanua Listra hai i wanua Ikonium, pane liliuhe lao i wanua Antiokia i tampo Pisidia.

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

Suro 16:2

Timotiu iti rabila ope-ope halalu hampepepoinalaina i wanua Listra hai Ikonium.

Suro 17:12

Bosahe to Yahudi au mepoinalai i Yesu. Hai bosa worihe to Yunani au mepoinalai. To Yunani itihe iami tobalilo hai towawine au teadai.

Suro 17:17

Ido hai i sou penombaa, Paulu mombepakana i lolita hai to Yahudi hai tauna ntanina au mesua agama Yahudi. Alo-alona Paulu mopaturo worihe hema-hema pea au nalambi i pobalu-balua.

Suro 17:4

Arahe to Yahudi au modoko lolita iti hai au meulahe i Paulu hai Silas. Ara worihe tauna ntanina au mepoinalai, tepesua bosa to Yunani au mengkoru i Pue Ala hai bosa wori towawine au teadai.

Suro 18:4

Minggu-mingguna i alo Penombaa, laomi Paulu i sou penombaanda to Yahudi mopaturo tauna au teruhu inditi, maroa to Yahudi maroa to Yunani. Tunggaiana bona mepoinalaihe i Pue Yesu.

Suro 18:8

Ara hadua tadulako i sou penombaa au hungku i souna Titius, hangana Krispus. Ia hai ope-ope au ara i souna mepoinalai i Pue Yesu. Hai bosa wori to Korintu au mohadi bambari au napahawe Paulu, alana mepoinalaihe hai rariumohe.

Suro 19:10

Idomi bagona i lalu rompare, duuna ope-ope tauna i propinsi Asia mohadihe Ngkorana Pue, maroa to Yahudi maroa au bara to Yahudi.

Suro 19:17

Apa au mewali iti rahadimi ope-ope tauna au arahe i Epesu, maroa to Yahudi maroa au barahe to Yahudi. Mewali langahe, ido hai mampomahilemohe hangana Pue Yesu.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 2:47

Motoia liliuhe Pue Ala, hai rapokatanahe ope-ope tauna. Alo-alona katetetambaiahe, lawi Pue motambaiahe tauna au molambi katuwo maroa.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 21:28

monganga-ngangahe, rauli, “Halalu-halalu to Yahudi! Maimokau. Nidureingkai! Idemi tauna au lao iumba-umba pea mopahawe i ope-ope tauna paturona au moewake, mosapuaka Aturana Musa hai au mopakedai Souna Pue Ala ide! Nodo wori, ia moanti mai tauna au barahe to Yahudi i lalu Souna Pue Ala, mopakedai sou au malelaha ide.”

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

Roma 1:16

Barana maea mopahawe Ngkora Marasa. Lawi hema pea au mampoinalai Ngkora Marasa iti, kuasana Pue Ala mohoremahe hangko i huku dosanda, nguru-nguruna i to Yahudi, hawe-hawe wori i tauna au barahe to Yahudi.

Roma 10:12

Ngkora iti batena kanahe ope-ope tauna, lawi bara ara posisalana to Yahudi hai tauna ntanina. Hadua pea Ampunda ope-ope tauna iami Pue Ala, hai mahile ahiNa i ope-ope tauna au meraroa Iria.

Galatia 2:3

Titu au kuporanga, ia hadua to Yunani, agaiana barato rapari-pari bona ratile moula adanda to Yahudi hintoto hai Aturana Musa,

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.