Suro 13:43 - Sura Malelaha

⁴³ Roo indo, padumohe hangko i sou penombaa, hai bosa to Yahudi meula i Paulu hai Baranaba. Ara worihe au bara to Yahudi, agaiana au moagama Yahudihe, meulahe irihira. Paulu hai Baranaba mopaturohe bona maroho liliu pepoinalainda i Pue Ala au moweihe katuwo maroa hangko i kabulana laluNa.

Suro 13:43 Mawu Ofanana

Matiu 23:15

Marugikau, guru agama hai toParisi! Maroa i raoa peakau! Madota mpuukau mopaturo rangami bona mampeulaihe paturomi. Niagikato pae moweta tahi hai molumao karao bona ara pea hadua tauna au mewali topegurumi. Hai ane arami topegurumi, nipaturohe bona mampeulaihe dongkomi, alana rumihiri kakadakena babehianda pane ikamu, hai meliu kahintotonda rahuku i naraka pane ikamu.

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Suro 14:3

Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 17:17

Ido hai i sou penombaa, Paulu mombepakana i lolita hai to Yahudi hai tauna ntanina au mesua agama Yahudi. Alo-alona Paulu mopaturo worihe hema-hema pea au nalambi i pobalu-balua.

Suro 17:34

Agaiana arahe au meula i Paulu hai mepoinalaimohe i Yesu. Hadua au mepoinalai i Yesu, iami Dionisius, hadua anggota majelisi Aeropagus. Ara wori hadua towawine au rahanga Damaris, hai ara worihe au ntanina.

Suro 17:4

Arahe to Yahudi au modoko lolita iti hai au meulahe i Paulu hai Silas. Ara worihe tauna ntanina au mepoinalai, tepesua bosa to Yunani au mengkoru i Pue Ala hai bosa wori towawine au teadai.

Suro 18:7

Hai lao mpuumi Paulu i sou au ara i hola sou penombaa. Ampu sou iti, bara to Yahudi, agaiana ia menomba i Pue Ala. Hangana Titius Yustus.

Suro 2:10

hangko i Frigia hai Pampilia, hangko i Masiri hai hangko i tampo Libia au hungku i wanua Kirene. Arake au hangko i wanua Roma. Hantangake to Yahudi, hai ara worihe tauna ntanina au mesua agama Yahudi.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Suro 6:5

Ope-opehe mampokana lolitanda suro iti. Ido hai rapileimi Setepanu lawi ia mepoinalai mpuu i Pue Yesu hai nakuasai Inao Malelaha. Rapilei worihe: Pilipu, Prokorus, Nikanor, Timon, Parmenas hai Nikolaus to Antiokia. (Nikolaus iti, bara to Yahudi, agaiana mesuami agama Yahudi.)

Roma 11:6

Napileihe bara anti kamaroana babehianda. Lawi ane rapana, Napileihe bona mohurungi babehianda au maroa, lempona kabulana laluna Pue Ala barapi buke.

Roma 3:24

Agaiana Pue Ala mokabahamoke hangko i huku dosanta, hai Naimbake manoto i peitaNa anti kanapahurunta Kerisitu Yesu. Ope-ope iti Nawei mberoke anti kabulana laluNa.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Pilipi 3:16

Ide paraluu ntepuu: hangangaa tuwoke moula apa au taisami hawe ide-ide.

Pilipi 4:1

Mewali halalu au kupokaahi hai au kukabilai: nipakaroho pepoinalaimi i Pue. Ikamumi au kupomahile hai au kupokatana lalu.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:28

Mewali, mobambaringkai i ope-ope tauna kana i Kerisitu. Kiweihe lolita hai kipaturohe, hai kininihe ope-ope moula kapande au nakiraiangkai Pue, bona kiantihe ope-ope Iria hai bara ara kamakuranda, lawi mohintuwumohe hai Kerisitu.

Titu 2:11

Kabulana laluna Pue Ala tongawami i ope-ope tauna, lawi Nabungkahimi rara bona peisake tehorema hangko i huku dosanta.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

1 Yohane 2:28

Kaliliuana anangku, hangangaa mohintuwu liliuke hai Kerisitu bona i kahaweNa hule deade, baimoke lao i lindoNa, hai barapoke maea Nakahawei.

2 Yohane 1:9

Ope-ope tauna au megaaki hangko i paturo au tou hai barahe moula paturona Kerisitu, tauna iti barahe mohintuwu hai Pue Ala. Agaiana au moula liliu paturona Kerisitu, ihirami au mohintuwu hai Pue Ala Umanta hai Yesu AnaNa.