Suro 11:2 - Sura Malelaha

² Ido hai i kalaona Peturu i Yerusale, ia rasalai bahangkia to Yahudi au mepoinalai i Yesu,

Suro 11:2 Mawu Ofanana

Suro 10:45

Tingkaramohe ope-ope to Yahudi au mepoinalai i Yesu, au naporangahe Peturu hangko i Yope, lawi tauna au barahe to Yahudi molambi worihe Inao Malelaha.

Suro 10:9

Kahalona, tanganda mani tauna au talu iti lumao ina hungkumohe i wanua Yope, ba arami pae tinti hampulo hai dua pualo, mengkahemi Peturu i wongko sou, lao mekakae.

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Suro 15:5

Agaiana ara worihe bahangkia toParisi au mepoinalaimohe i Yesu meangkahe mololita, rauli, “Tauna au barahe to Yahudi au mepoinalai i Yesu, hangangaa ratile hai ratuduhe mampeulai Aturana Musa!”

Kolose 4:11

Tabeana wori Yesu, au rahanga wori Yustus. Hangko i ope-ope to Yahudi au mepoinalai i Pue Yesu, ihira pea talu ide au mobago hihimbela hai iko mampopolumao bago poparentana Pue Ala hai mopakarohohe lalungku.

Titu 1:10

Tunggaiaku mopaturoko nodo lawi bosamohe tauna au moewa paturonta, pelumbunami ihira au mampeulai ada mpetile Aturana Musa. Mearohahe, hai mopakanawohe ranganda hai paturo au bara mobundu.