Suro 10:9 - Sura Malelaha

⁹ Kahalona, tanganda mani tauna au talu iti lumao ina hungkumohe i wanua Yope, ba arami pae tinti hampulo hai dua pualo, mengkahemi Peturu i wongko sou, lao mekakae.

Suro 10:9 Mawu Ofanana

Matiu 20:5

Pualomi, lao mbuli mohaoki tauna, nauliangaahe: ‘Laokau mobago i bondeku.’ Nodo wori au nababehi i tinti talu kalumba.

Matiu 24:17

Tauna au mohuda-huda i pengkangkalahea i wongko sou, ineehe mesua i lalu sou mangala ba apa-apa.

Matiu 27:45

Pualomi, unga pea makaindi i humalele tampo iti i lalu talu jaa.

Matiu 6:6

Agaiana ikamu, ane mekakaekau, hangangaa mesuakau i lalu lincumi hadua-hadua, nituko babami, hangko mekakaerikau i Umami au bara niita. Lawi Ia moita mpuu babehiami au bara raisa rangami, hai Ia ina mohurungiakau.

Markus 1:35

Kahalona, hungku mabaa, mearomi Yesu hai padu hangko i boea iti lao mekakae haduduana i paidaa au boa.

Markus 6:46

hai mepalakana worimi irihira. KarooNa mepalakana irihira, mempanaimi Yesu i bulu lao mekakae.

Suro 10:3

Hambela tempo, ba arami pae tinti talu kalumba, Naitami hambua pampetudungia. I lalu pampetudungia iti, naitami hadua malaekana Pue au mekakio, nauli, “Kornelius!”

Suro 6:4

Lawi ikami hangangaa mekakae hai mobambaringkai Ngkorana Pue Ala.”

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

1 Timotiu 2:8

Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.