Suro 10:5 - Sura Malelaha

⁵ Mewali ide-ide, nutudumohe bahangkia tauna lao i Yope mohaoki hai mokakio mai hadua tauna au rahanga Simo au rauli wori Peturu.

Suro 10:5 Mawu Ofanana

Markus 3:16

Idemi hanganda au hampulo hai rodua iti: Simo (au Nahanga Peturu); Yakobu anana Sebedeus; hai Yohane adina Yakobu (Nahangahe, Boanerges—lempona: ‘ana gumpatahe’); roo indo, Andaria, Pilipu, Bartolomeus, Matiu, Tomas, Yakobu anana Alfeus, Tadeus, Simo to Selot, hai Yudasi Iskariot au mampobalu Yesu.

Yohane 1:42

Roo indo, naantimi lao i Yesu. Yesu mototoki Simo, Nauliangaa, “Oio Simo, anana Yohane. Mepongka ide-ide, ina rahangako Kefas.” (I lalu basanda to Yunani, “Peturu” lempona: ‘watu mahile’.)

Suro 10:18

rapekune, “Ba ara inde hadua torare au rahanga Simo au rauli wori Peturu?”

Suro 10:32

Nutudumi taunamu lao i wanua Yope mokakio hadua tauna au rahanga Simo au rahanga wori Peturu. Ia ara i wiwi ntahi i souna Simo topobabehi parewa hangko i koli.’

Suro 15:7

Mahaemohe mombehahanai, meangkami Peturu mololita nauli, “Halalu-halalu, niisa mpuu apa au mewali iriko. Bahangkia parena liu, napileina Pue Ala hangko i olomi, hai Natuduna mobambari Ngkora Marasa i tauna au barahe to Yahudi bona bambari iti rahadi hai rapoinalai wori.

Suro 16:9

Tanga kaindi tanganda maturu i Troas, Paulu moita hambua pampetudungia. Naita hadua tobalilo au hangko i tampo Makedonia meangka i lindona, nauli, “Maimokau i Makedonia. Nitulungi wongkamia!”

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.

Suro 9:42

Au mewali iti rapololita i humalele wanua Yope, alana bosa tauna mepoinalai i Pue Yesu.

Suro 9:43

Roo indo, Peturu maida i Yope bahangkia alona kamahaena. Ia maida i souna Simo, hadua topobabehi parewa au hangko i koli.