Suro 10:3 - Sura Malelaha

³ Hambela tempo, ba arami pae tinti talu kalumba, Naitami hambua pampetudungia. I lalu pampetudungia iti, naitami hadua malaekana Pue au mekakio, nauli, “Kornelius!”

Suro 10:3 Mawu Ofanana

Matiu 27:46

Tinti talu kalumba, meraroami Yesu masisimbuku, Nauli, “Pue AlaNgku! Pue AlaNgku! Moapari hai NupalehiNa?” I lalu basa Yahudi, “Eloi, Eloi, lama sabaktani?”

Lukasi 1:11

I tempo iti, hadua malaekana Pue Ala mopatongawa watana iria. Malaeka iti meangka ntanda i koanana meja pointua dupa.

Lukasi 2:13

Toporewu iti, unga peahe moita bosa malaeka hihimbela hai malaeka au nguru-nguruna inona. Malaeka iti, motoiahe Pue Ala, rauli,

Suro 10:17

Wulimi Peturu mampekiri apa lempona pampetudungia au hangko naita. Tangana mani mampempekiri, hawemohe tuduana Kornelius i wanua Yope. Ihira mekunehe i ampu boea ba iumba souna Simo. Ratudungiahe souna Simo, hai laomohe meangka i tabangaa,

Suro 10:19

Mewali, tangana mani Peturu mampempekiri ope-ope au hangko naita, mololitami Inao Malelaha iria, manguli, “Pehadingi, arahe talu tobalilo au maiko mohaoki.

Suro 10:30

Mehanami Kornelius, nauli, “Iba alona liu, i tempo au himbela hai ide, tangangku mekakae i soungku tinti talu kalumba, unga pea ara hadua tobalilo au meangka i lindoku. Hampina mengkila-ngkila.

Suro 10:9

Kahalona, tanganda mani tauna au talu iti lumao ina hungkumohe i wanua Yope, ba arami pae tinti hampulo hai dua pualo, mengkahemi Peturu i wongko sou, lao mekakae.

Suro 11:13

Kornelius mopahawe irikami apa au naita, iami hadua malaeka au hawe i souna au mouliangaa: ‘Nutudumohe bahangkia tauna lao i Yope mohaoki hai mokakio mai hadua tobalilo au rahanga Simo au rauli wori Peturu.

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 3:1

Tinti talumi kalumba, Peturu hai Yohane laohe i Souna Pue Ala i tempona pekakaeanda to Yahudi.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Suro 9:10

I tempo iti, i wanua Damsik, ara hadua tauna au mepoinalai i Yesu, hangana Ananias. Ia moita hambua pampetudungia, hai i lalu pampetudungia iti, Pue Yesu mekakio, Nauli, “Ananias!” Mehana Ananias, nauli,, “Idetona Pue.”

Suro 9:4

Madungkami Saulu hai mohadi hambua wotu au manguliangaa, “Saulu, Saulu, moapa hai nupopeahi-ahiNa?”

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 1:4

Ia molambi kuasa hai pebila au meliu hangko i ope-ope malaeka, lawi hangaNa au nawei Pue Ala meliu katebilana pane hanga au raweihe malaeka.