Suro 1:14 - Sura Malelaha

¹⁴ Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Suro 1:14 Mawu Ofanana

Matiu 12:46

Tangana mani Yesu mololita hai tauna bosa, hawehe inaNa hai adiNa. Meangkamohe i raoa sou mampeinao mololita hai Ia.

Matiu 21:22

Apa pea au niperapi i lalu pekakaemi, ane nipoinalai, batena ina nilambi.”

Matiu 27:55

Inditi, bosa wori towawine au mampeita ngkarao. Ihira iti au meula hai motulungi Yesu, mepongka hangko i pobagoNa i tampo Galilea.

Markus 15:40

Ara worihe inditi bahangkia towawine au mampeita ngkarao. I olonda ara Maria Magdalena. Ara wori Maria inanda Yakobu au mangura hai Yoses, hai ara wori Salome.

Markus 16:1

Kaliuna Alo Pengkarooangaa, laomohe Maria Magdalena, Maria inana Yakobu, hai Salome, meholo lana mawongi. Tunggaianda bona laohe molanai watana Yesu.

Lukasi 11:13

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

Lukasi 18:1

Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.

Lukasi 23:49

Ope-ope tauna au mahaemohe moisa Yesu tepesuahe towawine au meula hangko i Galilea, meangka ngkaraohe bona mampeitahe hinangkana au mewali iti.

Lukasi 23:55

I kanaantina watana Yesu lao i talumba, bahangkiahe towawine au mamporangai Yesu hangko i Galilea meulahe i Yusupu. Kahawenda i talumba, moitamohe noumba watana Yesu rawoli inditi.

Lukasi 24:10

Towawine iti, iami Maria Magdalena, Yohana, hai Maria inana Yakobu, hai ara worihe towawine ntanina au hihimbela hai ihira.

Lukasi 24:33

Liliuhe meangka mesule i Yerusale. Kahawenda inditi, molambihe topeguruna Yesu au hampulo hai hadua moguluhe hai ranganda.

Lukasi 24:53

I Yerusale, alo-alona maidahe i Souna Pue Ala hai motoiahe Pue Ala.

Lukasi 8:20

Ara hadua tauna au mololita i Yesu, nauli, “Guru, inaMu hai halaluMu, arahe i raoa mampeinao mampohidupaaKo.”

Suro 2:1

Kahawena alo mahilenda to Yahudi au rahanga Alo Pentakosta, ope-ope tauna au mepoinalai i Yesu moguluhe i hambua paidaa.

Suro 2:42

Roo indo, bosa tauna au hangko mepoinalai i Yesu mampehadingi paturonda surona Pue Yesu, hai teruhu liliuhe. Maande sambelahe, mokira-kirahe roti anti pokatuinaonda Pue Yesu, hai mekakaehe.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 6:4

Lawi ikami hangangaa mekakae hai mobambaringkai Ngkorana Pue Ala.”

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

1 Korintu 14:13

Ido hai kuuliangaakau, hema au mololita i lalu basa au hangko i Inao Malelaha, agina merapi i Pue bona molambi kapande mopalimba lempona basa iti bona raisa ope-ope rangana lempona lolitana.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.