Roma 8:11 - Sura Malelaha

¹¹ Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

Roma 8:11 Mawu Ofanana

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Yohane 5:21

Nodo UmaNgku mampopearo tomate hai moweihe katuwo, Iko wori mowei katuwo i hema pea moula peundeaKu.

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Roma 16:10

Tabeangku wori i Apeles, au narumpa ngkaia kapari, agaiana meula liliu i Kerisitu. Tabeangku irihira au i souna Aristobulus.

Roma 16:3

Nipahaweana tabeangku i Priskila hai Akwila. Ihira iti, halalungku hampopobago au mampopolumao liliuhe bagona Kerisitu Yesu.

Roma 16:7

Nipahawe wori tabeangku i Andronikus hai Yunia hangka to Yahudingku, au ratarunggu sambelangkai hai au rabilahe i olonda ope-ope surona Pue Yesu. Ihira mahaemohe mepoinalai i Pue Yesu, hangko damanina, iko mepoinalai.

Roma 16:9

Tabeangku wori i Urbanus, halalunta hampopobago au mampopolumao bagona Kerisitu. Tabeangku wori i Stakis, au kupokaahi.

Roma 6:12

Ido hai kuweikau lolita, halalu: inee tapogiangaa dosa mokuasai katuwonta i dunia ide; inee tapeulai peundeana lalunta au kadake.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

Roma 8:12

Mewali, halalu, hangangaa moulake Pue Ala. Ineemi tapeulai peundeana lalunta au kadake.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

1 Korintu 15:16

lawi ane tomate barahe rapatuwo hule hangko i kapate, manoto bara tou karapatuwo hulenami Kerisitu.

1 Korintu 6:14

Nodo Pue Yesu napatuwo hule Pue Ala hangko i kapate, nodo wori watanta ide ina Napatuwo hule Pue Ala hangko i kapate anti kuasaNa i alo pebotusi.

2 Korintu 4:11

I lalu katuwongki i dunia ide, bosa tauna mampeinaohe mopapatengkai anti peulangki i Pue Yesu. Agaiana iti mewali bona tongawa katuwona Pue Yesu, i lalu watangki au bara monono.

2 Korintu 4:14

Pue Ala mopatuwo hulemi Pue Yesu. Ido hai kiisa hambela tempo ina Napatuwo hule woringkai hai Naantingkai lao i lindoNa hihimbela hai ikamu.

2 Korintu 5:4

Lawi tanganta mani tuwo i dunia ide, mantodihake lawi mantimi haleanta. Agaiana bara taunde mopalehi watanta ide. Bara taunde mate, agaiana taunde bona watanta ide liliu rapahuru hai wata au bara mokahopoa.

Galatia 6:8

Hema-hema pea au mobabehi liliu peundeana laluna au kadake, ina molambi wori wua au kadake iami ragaaki hangko i Pue Ala hawe i hae-haena. Agaiana hema pea au mampeulai liliu peundeana Inao Malelaha, ina molambi katuwo maroa hihimbela hai Pue Ala hawe i hae-haena lawi katuwo au maroa iti hangko i Inao Malelaha.

Epesu 2:5

Napatuwo hulemoke hihimbela hai Kerisitu nauri matemoke i lalu kamasalanta. Mewali batena pea anti kabulana laluna Pue Ala paneke tehorema hangko i huku dosanta.

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 11:11

Agaiana kaliuna talu alona hantanga, hawemi inao hangko i Pue Ala au mepatuwo. Inao iti mesua i watanda, alana tuwo hulehe; ido hai mearohe hai meangkahe. Hangko indo, rumihimi kalanganda ope-ope tauna au moita apa au mewali.