Roma 6:4 - Sura Malelaha

⁴ I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

Roma 6:4 Mawu Ofanana

Yohane 11:40

Nauli Yesu i Marta, “Bara pae Kuuliangaamoko inona, ane nupoinalaiNa, ina nuita mpuu kamahilena kuasana Pue Ala?”

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Roma 6:19

Ngkora pandiriku ide kupake bona mamura kaniisana paturongku. Hangkoia napohawikau dosa, lawi moula peakau peundeana lalumi au kadake hai au bara hintoto, alana napohingka rumihiri kakadakena babehiami. Agaiana ide-ide, agina nihuhu watami i Pue Ala bona mewalikau hawiNa alana manoto babehiami hai malelaha tuwomi.

Roma 6:3

Bara pae niisa halalu, rariumoke i lalu hangana Kerisitu Yesu, hai bara wori pae niisa i karariunta iti, lempona, matemoke hihimbela hai Kerisitu Yesu?

Roma 6:8

Mewali, ane matemoke hihimbela hai Kerisitu, tapoinalai kaina tuwonta wori hihimbela hai Ia.

Roma 6:9

Lawi taisa halalu, Kerisitu au rapatuwo hulemi hai barapi ina mate. Kapate barapi makuasa Iria.

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

1 Korintu 6:14

Nodo Pue Yesu napatuwo hule Pue Ala hangko i kapate, nodo wori watanta ide ina Napatuwo hule Pue Ala hangko i kapate anti kuasaNa i alo pebotusi.

2 Korintu 13:4

Hangkoia Kerisitu rapaku i kau mombehape anti kamaledena nodo manusia. Agaiana anti kuasana Pue Ala, Ia tuwo hulemi. Ikami malede woringkai nodo Kerisitu. Agaiana anti kuasana Pue Ala, molambingkai katuwo au wou hihimbela hai Kerisitu. Mewali ane hawena deade, ina niita mpuu kuasa au naweingkai Pue Ala iti.

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Kolose 4:1

Ikamu ampu hawi, niweihe hawimi apa au maroa hai au hintoto, lawi niisa kaarana wori Ampumi i suruga.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Yohane 2:6

Hema-hema au manguli mohintuwuhe hai Pue Ala, babehianda hangangaa moula babehiana Kerisitu.