Roma 5:16 - Sura Malelaha

¹⁶ Kabulana laluna Pue Ala au mahile bara hintimba hai kamadosana Adama. Tauna au hadua iti moliungi hawana Pue Ala, alana ope-ope tauna masalami i peitana Pue Ala hai hangangaa rahuku. Agaiana anti kabulana laluna Pue Ala irikita, Naingihimi ope-ope dosanta hai moimbake manoto i peitaNa.

Roma 5:16 Mawu Ofanana

Matiu 6:14

Ane moampungimokau rangami au masala irikamu, Umami au i suruga ina moampungi worikau hangko i kamasalami.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

1 Korintu 11:32

Agaiana ane nahukuke Pue, lempona Nakambaroake datike ina rahuku himbela hai tauna au bara moisa Pue.

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Yakobu 2:10

Hema au moliungi hampaka pea hangko i ope-ope Aturana Pue Ala, himbela pea hai moliungimi ope-ope Atura iti.