Roma 5:1 - Sura Malelaha

¹ Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Roma 5:1 Mawu Ofanana

Lukasi 19:38

Monani-nanihe, rauli, “Rawatimi Datu au mai i lalu hangana Pue! Maroa hulemi pohintuwuta hai Pue Ala. Tetoiami Pue au i suruga!”

Lukasi 19:42

Nauli, “Mpiondo mpuu katuwomi to Yerusale! Kemorasi mpuukau ane i alo ide peawomi niisa apa au peisa mopahintuwukau hai Pue Ala. Agaiana ope-ope iti tewuniangiri irikamu.

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Roma 1:17

Hangko i Ngkora Marasa iti, taisa noumba rarana Pue Ala moimbake manoto i peitaNa, anti pepoinalainta Iria. Bara ara rara ntani, lawi i lalu Sura Malelaha teukimi node, “Tauna au manoto i peitana Pue Ala, ina molambihe katuwo maroa anti pepoinalainda.”

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Roma 10:10

Anti pepoinalainta i Yesu hangko i lalunta, ido hai Naimbamoke Pue Ala manoto i peitaNa. Hai anti katapangakunami Yesu i lolitanta, ido hai tehoremamoke hangko i huku dosanta.

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 15:33

Kuharunga Pue Ala au moweike roa ngkatuwo ina mamporangaikau ope-ope. Amin!

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:30

Lawi Pue Ala hadua pea, hai Iami au mopamanoto to Yahudi anti pepoinalainda, hai mopamanoto worihe tauna au bara to Yahudi anti pepoinalainda.

Roma 4:5

Agaiana pohintuwuta hai Pue Ala bara nodo tauna au mampedurei, lawi Naimbake Pue Ala manoto i peitaNa bara anti kamaroana babehianta agaiana anti pepoinalainta Iria au mopamanoto tauna madosa.

Roma 5:11

Hai bara pea iti, matana mpuu lalunta mampokatana roana Pue Ala au tahumba anti kanapahuruntami Amputa Yesu Kerisitu. Lawi hangko i Yesu Kerisitu, maroami pohintuwuta hai Pue Ala.

Roma 5:18

Mewali, anti kamanawona Adama, ope-ope tauna masalami hai hintoto rahuku. Nodo wori, anti hambua babehia au manoto iami kapatena Yesu i kau mombehape, ope-ope tauna peisa manoto i peitana Pue Ala hai molambi katuwo maroa au bara mokahopoa.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Roma 9:30

Mewali node: tauna au barahe to Yahudi barahe mohaoki rara bona mewalihe manoto i peitana Pue Ala. Agaiana arahe hantanga au mewali manoto i peitaNa. Pue Ala mopakanotohe i peitaNa anti pepoinalainda.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Galatia 3:25

Ide-ide mepoinalaimoke i Kerisitu; ido hai barapoke nanini ba nakampai Aturana Musa.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Epesu 2:7

Tunggaiana Pue Ala bona i alo au ina mai, ina Natudungiake kamahilena ahiNa hai kamaroana laluNa au tahumba hangko i pohintuwuta hai Kerisitu Yesu.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Kolose 1:20

Pue Ala mohuhu AnaNa mate i kau mombehape, bona ope-ope au ara rapahintuwu hule hai Ia, maroa au i dunia maroa au i suruga. Kapatena Yesu i kau mombehape mopahintuwu hinangkana hai Pue Ala.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

2 Tesalonika 3:16

Batena pea Pue au peisa moweike roa ngkatuwo. Ido hai mekakaengkai Iria bona alo-alona Naweikau katinda lalu i paka-pakana. Pue mamporangaikau ope-ope.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.