Roma 4:21 - Sura Malelaha

²¹ lawi napoinalai kamakuasana Pue Ala mopabukei dandiNa.

Roma 4:21 Mawu Ofanana

Matiu 19:26

Natotokihe Yesu hai Nauliangaahe, “Ane manusia, bara mpuu nabuku. Agaiana ane Pue Ala, bara ara au bara Nabuku.”

Lukasi 1:1

Teopilu au kubila, bosa tauna mopari-pari mouki tuntukana au mewalimi i olonta.

Lukasi 1:37

Lawi ane Pue Ala, bara ara au bara Nabuku Nababehi.”

Lukasi 1:45

Anti pepoinalaimu i lolitana Pue, morasi mpuuko, lawi apa au Nauliangaako, batena mewali!”

Roma 14:4

Hai rangami iti, mobago worihe i Pue. Hemakau pane baikau mosalai hangka rangami au mobago i Pue? Ba maroa pobagonda ba bara, iti popakanotona rai Pue au mewali Amputa. Hai batena ina maroa pobagonda, lawi Pue makuasa mopakanoto raranda.

Roma 14:5

Arahe tauna au manguli ara alo au tepakanoto au hangangaa tapenombai melumbu hangko i alo au ntanina. Agaiana arahe tauna ntanina au manguli ope-ope alo himbela pea. Agaiana au paraluu iami apa au tababehi, hangangaa hangko i lalunta mpuu bona napokatana Pue Ala.

Roma 8:38

Lawi kupoinalai, bara ara au peisa mohomboki ahina Pue Ala irikita. Mate ba tuwo, batena Napokaahi liliuke. Bara ara malaeka ba kuasa tokadake, bara ara pepopalanga maroa ide-ide ba i alo au ina mai, bara ara kuasa i langi ba i tampo, bara ara au peisa mogaakike hangko i ahina Pue Ala au tahumba anti pohintuwuta hai Amputa Kerisitu Yesu.

2 Korintu 9:8

Hai Pue Ala ina moweikau hinangkana pewati duuna barapi ara kamakurami bona nibuku mampopolumao hinangkana bago motulungi rangami.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Ibarani 11:19

Lawi i tempo iti nauli laluna Burahima, Pue Ala makuasa mopatuwo hule Isaki. Hai peisa tauli: Burahima molambi hule anana hangko i kapate.