Roma 2:7 - Sura Malelaha

⁷ Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Roma 2:7 Mawu Ofanana

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Lukasi 21:19

Nipakaroho pepoinalaimi bona mantahakau i lalu ope-ope kapari ide, lawi hema au mantaha ina molambi katuwo maroa au bara mokahopoa.”

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Yohane 4:36

Tauna au mopahawehe Ngkorana Pue Ala peisa rapandiri nodo tauna au mantuda hai au mepare. Ide-ide masilolongami saronda topepare iti, hai mepongkamohe mogulu wuana. Anti pobagonda, bosa tauna molambi katuwo maroa au bara mokahopoa. Hai kahopoana ina matana-tanahe hihimbela hai tauna au mantuda.

Yohane 5:44

Noumba pepoinalaimi Iriko, ane mampeinao peakau ratoia rangami? Bara niunde mobaliki babehiami bona Pue Ala HaduduaNa motoiakau.

Roma 2:10

Agaiana tauna au mobabehi roa ina molambihe petoia, pebila hai roa ngkatuwo, mepongka i to Yahudi hawe i tauna au barahe to Yahudi.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Roma 8:18

Moula pelambiaku, ope-ope kapari au morumpake ide-ide bara peisa tapahintoto hai kamahilena tuwonta au ina raweike i alo au ina mai.

Roma 9:23

Anti kasabaraNa, ido hai tongawa kamahilena tuwoNa i tauna au Napokaahi hai au Napatani amihe molambi kiranda i lalu peawana tuwoNa.

1 Korintu 15:42

Nodo wori karapatuwo hulenda tomate. Watanta au ratawu iami wata au malede hai peisa magoro, agaiana ina rapopearo huleke hai wata au barapi peisa magoro.

1 Korintu 15:50

Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

2 Timotiu 1:10

Hai ide-ide, Napatongawaa mpuumoke kabulana laluNa, lawi hawemi Kerisitu Yesu Topehoremanta. Yesu monangi kapate. Lempona: kehapirike mate, ane mepoinalaike i Ngkora Marasa, ina Napatuwo huleke Yesu hai Naweike katuwo au bara mokahopoa.

Ibarani 2:7

I tempo au hampalai pea, ia Nupaiwoi hangko i malaeka. Nusongkoi hai peawa hai pebila.

Ibarani 6:12

Ineekau ara au lohe mampeulai peundeana Pue Ala. Niala pandiri i tauna au mepoinalai i Pue Ala hai au sabarahe mampegia apa au Nadandiahe.

Ibarani 6:15

Burahima mepoinalai liliu i Pue Ala duuna molambi apa au Nadandia Pue Ala.

1 Yohane 2:25

Hai idemi dandiNa irikita: katuwo maroa au bara mokahopoa.