Roma 2:4 - Sura Malelaha

⁴ Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

Roma 2:4 Mawu Ofanana

Roma 10:12

Ngkora iti batena kanahe ope-ope tauna, lawi bara ara posisalana to Yahudi hai tauna ntanina. Hadua pea Ampunda ope-ope tauna iami Pue Ala, hai mahile ahiNa i ope-ope tauna au meraroa Iria.

Roma 11:22

Mewali taisa mpuu kamaahina Pue Ala hai taisa wori kamanotona pehukuNa. Manotomi kaNahukunda tauna au mesapuaka, agaiana maahi irikamu ane tuwo liliukau i ahiNa iti. Ane bara, ina Natende worikau!

Roma 11:33

Maroa mpuu Pue Ala! Kaladu mpuu pekiriNa hai manoto laluNa! Hema au peisa moparesa tunggaiaNa? Hema au peisa moisa ope-ope raraNa?

Roma 3:25

Moula popakanotona Pue Ala, Yesu rapapate hai waheNa tebumbuha. Iti nababehi Pue Ala bona Yesu rahuku mohalea dosa manusia bona teampungi dosanta ane mepoinalaike Iria. Hangko damani Yesu mate, Pue Ala bara mohuku manusia au madosa anti kasabaraNa.

Roma 6:1

Pue Ala moampungi dosanta anti kabulana laluNa irikita. Agaiana inee tapehangu ane mobabehi liliuke dosa ina katetetambaiari ahina Pue Ala moampungike.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

2 Korintu 8:2

Molambihe pekelo hai kapari au mantimi mpuu. Agaiana i lalu kaparinda iti, matanahe. Hai nauri meahi-ahi mpuu tuwonda, mahile ahinda mogulu doi rapopotulungi ranganda.

Epesu 1:18

Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 2:4

Agaiana Pue Ala au buke kamaahi. Anti kamaroana laluna au Nakiraiaamoke.

Epesu 2:7

Tunggaiana Pue Ala bona i alo au ina mai, ina Natudungiake kamahilena ahiNa hai kamaroana laluNa au tahumba hangko i pohintuwuta hai Kerisitu Yesu.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Pilipi 4:19

Pue Ala au kupenombai ina mopabukei hinangka au niparaluu, moula peawaNa au mahile ntepuu, lawi mohintuwumokau hai Kerisitu Yesu.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

1 Timotiu 1:16

Agaiana i lalu kamadosangku iti, napokaahina Pue Ala bona i lalu kamahilena dosangku iti, tongawa mpuu kasabarana Yesu Kerisitu. Mewali, i lalu katuwongku ide, tongawa mpuumi ahina Pue, pane peisana mewali pandiri i ope-ope tauna bona mepoinalai worihe i Yesu hai molambihe katuwo maroa au bara mokahopoa.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

2 Peturu 1:11

Mewali i alo au ina mai, ina Nadokokau Pue Ala mesua i lalu kadatuana Amputa Yesu Kerisitu au mohoremake hangko i huku dosanta. Hai PoparentaNa iti bara ara kahopoana.

2 Peturu 3:15

Hangangaa takatuinao apa tunggaiana kasabarana Pue. Ope-ope tauna naweihe Pue Ala katepaka bona tehoremahe. Paturo ide naukia worikau hadua halalunta au tapokaahi, iami Paulu. Hai apa au nauki Paulu i lalu surana moula kanoto lalu au nakiraia Pue.

2 Peturu 3:3

Ara au hangangaa nikatuinao ntepuu: i alo-alo au ina mai i kahopoa tempo ide, ina hawehe tauna au nakuasai peundeana lalunda au kadake. Tauna iti ina mokakabosaikau,

Pampetudungia 2:21

Towawine iti Kuweimi katepaka bona menoso hangko i dosana, agaiana bara mau mokabaha babehiana au merikai.

Pampetudungia 3:20

Peita! MeangkaNa i baba hai Kutidongko. Ane ara au mohadi wotuNgku hai nabungkahiaNa, ina mesuaNa i lalu hai maidaNa indo hihimbela hai ia. Ina maandeNa hihimbela hai ia, hai ia wori ina maande hihimbela hai Iko.