Roma 16:12 - Sura Malelaha

¹² Tabeangku wori i Tripena hai Triposa, au mobagohe i Pue Yesu, hai i Persis, au kupokaahi, au mobago mantimi wori i lalu bagona Pue.

Roma 16:12 Mawu Ofanana

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Matiu 9:38

Ido hai hangangaa niperapi i ampu bonde bona Natuduhe tauna lao mepare i bondeNa.”

Roma 16:11

Tabeangku wori i Herodion, hangka to Yahudingku. Tabeangku wori i halalunta hampepepoinalai au ara i souna Narkisus.

Roma 16:13

Tabeangku wori i Rupus hai irinana, au kuimbami inangku. Rupus iti iami hadua to Sarani au rabila.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

1 Korintu 16:16

bona niula paturonda hai paturonda ope-ope ranganda au mampopolumao liliu bagona Pue.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.