Roma 14:1 - Sura Malelaha

¹ Ara halalunta hampepepoinalai au bara mani maroho pepoinalainda. Hangangaa nidoko maroahe tauna iti. Kehapiri mosisala pelambimi, inee iti au nipombehehei.

Roma 14:1 Mawu Ofanana

Matiu 12:20

Tala au malute bara ina Natepoki, hai hulo au mewao-wao pewangkana bara ina Napapate. Ia ina mobago liliu duuna notona Pue Ala tongawa.

Matiu 14:31

Naonami Yesu taieNa mohintaki Peturu, Nauliangaa, “Makura mani pepoinalaimu! Moapa hai bata-bata mani lalumu?”

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Markus 7:19

Paande au mesua iti bara mopakedai pekirinta. Lawi paande iti mesua pea i lalu tainta, hai hangko inditi liliu tatende.” Hai lolita iti, Napakanotomi Yesu kadana ara paande au rapalia.

Lukasi 17:2

Hema au mopakanawo hadua tauna au koi tuwona alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tanga tahi.

Yohane 13:20

Tou mpuu lolitaNgku ide: hema au modoko tuduaNgku, himbelami Iko au nadoko. Nodo wori, hema au modokoNa, himbelami Pue Ala au nadoko lawi Ia au motuduNa.”

Suro 28:2

Maroa mpuu lalunda ampu boea irikami. Radoko maroangkai, rapatuwoangkai api kipamindui, lawi mepongkami keuda hai makuli.

Roma 11:15

Lawi i kanatendenda Pue Ala to Yahudi, tebungkahimi rara i ope-ope tauna i dunia bona mohintuwuhe hai Pue Ala anti pepoinalainda. Mewali, ina meliu porasina ihi dunia ane Pue Ala modoko hulehe to Yahudi. Iti himbela pea nodo tomate au tuwo hule.

Roma 14:2

Pandirina: arahe tauna au maroho pepoinalainda au manguli peisake moande mampopengaa paande. Agaiana ara tauna ntanina au bara mani maroho pepoinalainda. Rauli tauna iti, bara naunde Pue ane moandeke bau, batena pea halo-halo au peisa taande.

Roma 14:21

Aginami, ineeke moande bau ba maenu au melangui ba mobabehike apa pea au mopakanawo halalunta hampepepoinalai.

Roma 14:3

Ikamu au moandekau mampopengaa, ineekau mopapakoi rangami au barahe moande bau. Hai ikamu au barakau moande bau, inee worikau mosalai rangami au moandehe mampopengaa. Lawi Pue Ala modoko worihe rangami iti mewali anaNa.

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

Roma 15:7

Mewali, halalu, ido hai kuuliangaakau: nidoko maroa halalumi hampepepoinalai, nodo Kerisitu modoko worike ope-ope. Lawi ane hintuwuke hai halalunta hampepepoinalai, Pue Ala rapomahile anti babehianta iti.

Roma 4:19

Agaiana i tempo iti, tinuwuna Burahima hungkumi hangatu parena. Hai barapi maroho watana lawi sae ntepuumi. Nodo wori Sara towawinena, ia lalo hai sae ntepuu worimi. Nauri nodo, pepoinalaina bara makura. Batena naharunga liliu kaina arana anana.

1 Korintu 9:22

Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

Pilipi 2:29

Mewali, hangangaa nidoko i katana lalumi nodo au nibabehi i ope-ope halalunta hampepepoinalai. Nibila wori ope-ope tauna au himbela poantinda hai ia.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

Ibarani 5:14

Agaiana paande au matua, kiranda tauna au mangisaami; lempona, tauna au manginaomi mampopontani au maroa hai au kadake.

2 Yohane 1:10

Mewali, ane ara guru agama au hawe i boeami au moanti paturo au mosisala hai paturo ide, ineehe nidoko i lalu soumi hai ineehe nidoko nodo halalu hampepepoinalaimi.