Roma 13:7 - Sura Malelaha

⁷ Nibaiari ope-ope i tauna apa au hintoto nibaiari. Nibaiari asele ba pobaiari au ntanina i topoparenta. Mengkorukau i tauna au hintoto rapengkorui. Bila tauna au hintoto rabila.

Roma 13:7 Mawu Ofanana

Matiu 17:25

Nahanai Peturu, “Nabaiari!” Hangko inditi, mesulemi Simo Peturu lao i sou paidaanda. Kahawena, bara mani tepaka mololita, iorumi Yesu mekune, “Simo, noumba pelambiamu: hema au hangangaa mobaiari asele i datu au mokamumu tampo ntanina? Ba taunana haduduana, ba tauna i tampo au nakamumu?”

Matiu 22:21

Rahanai, “Lenggena hai hangana Kaisar.” Nauli Yesu, “Ane nodo, niwei Kaisar apa au hintoto rawei Kaisar, hai niwei Pue Ala apa au hintoto rawei Pue Ala.”

Markus 12:17

Nauli Yesu, “Ane nodo, wei Kaisar apa au hintoto rawei Kaisar, hai wei wori Pue Ala apa au hintoto rawei Pue Ala.” Tingkara mpuuhe mohadi pehanaNa.

Lukasi 20:22

Ido hai kipekuneKo: moula atura agamanta, hangangaa mobaiarike asele i Kaisar, ba bara?”

Lukasi 20:25

Nauli Yesu, “Ane nodo, wei Kaisar apa au hintoto rawei Kaisar, hai wei Pue Ala apa au hintoto rawei Pue Ala.”

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Roma 12:10

Mombepokaahikau hadua hai hadua nodo topohalalu, hai mombeadaikau.

Roma 13:6

Idomi hai hangangaa mobaiarike asele bona topoparenta peisa mampopolumao bagonda au napahaleangiahe Pue Ala.

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

Epesu 6:5

Halalungku au mewali hawi, nipeulai hawana ampumi i lalu dunia ide. Nibila hai nipengkoruihe hangko i kabulana lalumi. Nibabehi iti nodo pengkorumi i Kerisitu.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

1 Timotiu 5:17

Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

1 Timotiu 6:1

Halalunta hampepepoinalai au hawi tuwonda, nupaturohe bona mobilahe hai mampeulaihe ampunda i hinangkana dati ara hadua tauna au mopapakoi hangana Pue Ala ba mosapuaka paturonta.

1 Peturu 3:7

Nodo wori ikamu tobalilo, hangangaa mohintuwukau hai towawinemi, hai hangangaa nipekiri noumba rarami motulungihe, lawi rohonda bara nodo rohomi. Agaiana nauri nodo, towawinemi batena himbela hai ikamu i peitana Pue Ala, lawi hangko i kabulaNa laluNa Pue Ala mowei worihe katuwo au bara mokahopoa himbela hai ikamu. Idomi hai hintoto mpuuhe nibila. Lawi ane barahe nibila, pekakaemi bara ina napehadingi Pue Ala.