Roma 10:16 - Sura Malelaha

¹⁶ Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Roma 10:16 Mawu Ofanana

Matiu 13:14

Ido hai tepabukeimi Ngkorana Pue Ala au napahawe nabi Yesaya hangkoia au manguli node: ‘Meitatohe, agaiana bara raisa apa au mewali. Mehaditohe, agaiana bara raisa lempona.

Yohane 10:26

Agaiana bara liliu nipoinalai, lawi barakau dimbaKu.

Suro 28:24

Arahe au mampoinalai lolitana, hai ara worihe au bara mampoinalai.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Roma 11:17

To Yahudi peisahe rapandiri nodo hangkau kau saitun au rakadipura. Daana au hantanga rahapeki, hai i pohapekiana iti, Pue Ala mampopentaka daa kau saitun au bara tekadipura bona katuwona daa iti marudu hangko i uaka kau au rakadipura. Daa au Napopentaka iti, iami ikamu au barakau to Yahudi.

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

Roma 3:3

Noumba ane arahe to Yahudi au barahe mepoinalai i Pue Ala? Nauri nodo, Pue Ala batena mopabukei dandiNa irihira.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Galatia 5:7

Hangkoia, peulami i Ngkora Marasa maroa. Hemarihe au mohombokikau pane barapokau mampeulai paturo au tou?

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.

1 Peturu 3:1

Nodo wori ikamu towawine, hangangaa mengkorukau i tobalilomi bona ane arahe tobalilomi au bara mepoinalai i Ngkorana Pue Ala, babehiami iti ina mobaliki lalunda duunda mepoinalai. Barahe paraluu niuliangaa ba apa-apa,