Roma 1:21 - Sura Malelaha

²¹ Raisato kaarana Pue Ala, agaiana barahe mengkoru Iria, hai bara wori raisa manguli ngkaia kamaroana Iria. Pekirinda kakakaraoari hangko i Pue Ala, alana makaindi lalunda.

Roma 1:21 Mawu Ofanana

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 1:19

Katouana apa au raisa tauna kana i Pue Ala tongawami, lawi napakanotoamohe Pue Ala haduduaNa.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 11:10

Pogiangaa matanda mewali bilo datihe meita hai Nupabungku-bungkuhe i hae-haena.

Roma 15:9

Kamaina Kerisitu i dunia ide, Ia mobungkahi rara bona tauna au barahe to Yahudi peisahe molambi katuwo maroa, hai motoiahe Pue Ala anti kamaroana laluNa irihira. I lalu Sura Malelaha ara lolita au teuki node: “O Pue Ala, kupomahileKo i olonda tauna au barahe to Yahudi. Monanina motoia hangaMu.”

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

1 Peturu 1:18

Hangangaa mengkorukau i Pue Ala, lawi niisami noumba kanahompokimi Pue Ala. Ia mokabahamokau hangko i tuwomi hangkoia au bara mobundu. Tuwomi iti iami sosorami hangko i toiorumi. Hai i kaNahompokimi Pue Ala iti, bara hai anu-anu au bara mantaha nodo bulawa ba salaka,

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

Pampetudungia 14:7

Malaeka iti mololita masisimbuku, nauli, “Mengkorumokau i Pue Ala hai nitoiami peawana tuwoNa. Lawi hawemi tempo pehukuaNa. Menombamokau i Pue Ala au mampopewali langi, tampo, tahi hai ope-ope ulu owai.”

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”