Roma 1:1 - Sura Malelaha

¹ Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Roma 1:1 Mawu Ofanana

Markus 1:14

Bahangkia kamahaena hangko inditi, rahakami Yohane Toperiu hai ratarunggu. I tempo iti, laomi Yesu i tampo Galilea, hai mopahawe Ngkora Marasa hangko i Pue Ala,

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 15:15

Barapokau Kuuli hawiNgku, lawi hadua hawi bara moisa apa au i laluna ampuna. Ide-ide, himadaNgku mpuumokau, lawi Kupahaweamokau ope-ope au nauliangaaNa UmaNgku.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Suro 13:9

Agaiana Saulu au rahanga wori Paulu, nakuasai Inao Malelaha, pane mototoki topobalimata iti,

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Suro 21:40

Mewali, raweimi Paulu tempo bona mololita. Ido hai meangkami Paulu i tuka moona taiena mopakandii tauna bosa. Mandiimohe, mepongkami Paulu mololita i lalu basanda to Yahudi.

Suro 22:21

Roo indo, nauli mbuli Pue, ‘Hangangaa meangkako, lawi Kutuduko lao i tampo au karao, i tauna au barahe to Yahudi.’ ”

Suro 22:7

Madungkana, hai mohadina hambua wotu au manguli, ‘Saulu, Saulu, moapari hai nupopeahi-ahiNa?’

Suro 26:1

Roo indo, nauli Agripa i Paulu, “Ide-ide raweimoko tempo mouli notomu.” Paulu moangka taiena, hai mepongkami mopahawe notona, nauli,

Suro 26:14

Madungkamongkai ope-ope hai kuhadimi hambua wotu au mololita iriko i lalu basanda to Yahudi, Nauliangaana: ‘Saulu, Saulu, moapa hai nupopeahi-ahiNa? Mapari mpuu lalumu, lawi moewa liliuko peniniNgku.’

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Roma 1:16

Barana maea mopahawe Ngkora Marasa. Lawi hema pea au mampoinalai Ngkora Marasa iti, kuasana Pue Ala mohoremahe hangko i huku dosanda, nguru-nguruna i to Yahudi, hawe-hawe wori i tauna au barahe to Yahudi.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Roma 1:9

Pue Ala au kupobagoa hangko i lalungku i lalu pobambaringku Ngkora Marasa kana i AnaNa, Iami au mewali sabingku, noumba kakukabelaimi bela-belangku mekakae.

Roma 11:13

Au natunggai lolitangku iami halalungku au barakau to Yahudi. Ide iko, suronana Pue Yesu au Natudu mobambari Ngkora Marasa irikamu au barakau to Yahudi. Bagongku ide kuwoli liliu i tanoanangku.

Roma 15:16

Naangkana mewali topobagona Kerisitu Yesu, hai Naposurona i tauna au barahe to Yahudi. Bagongku ide peisa rapandiri nodo pobagona tadulako mpenomba, lawi mopahawena Ngkora Marasa. Hai ihira au barahe to Yahudi au mepoinalai i Pue Yesu, kuimbahe nodo popenombaku i Pue Ala. Hai popenombaku iti, batena nadoko Pue Ala, lawi Inao Malelaha mopamalelahahe hai mampopewalihe kirana Pue Ala.

Roma 15:29

Hai kuisa, ane hawena irikamu, ngkaia pewati hangko i Kerisitu ina kuantiakau.

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

1 Korintu 1:1

Sura ide hangko iriko Paulu hai hangko i halalu hampepepoinalainta Sostenes, kipakatu irikamu jumaa au ara i wanua Korintu au nakakiokau Pue Ala mewali taunaNa. Iami au mopamalelahakau anti pohintuwumi hai Kerisitu Yesu hihimbela hai ope-ope tauna au maida iumba-umba pea au mepoinalai i Yesu Kerisitu, Pue au rapenombai hai au tapenombai. Iko, naangkana Pue Ala mewali surona Yesu Kerisitu moula peundeaNa.

1 Korintu 9:1

Barana pae peisa mobabehi apa-apa moula peundeaku haduduangku? Barana pae surona Pue Yesu? Bara manina pae moita Yesu Amputa? Hai bara pae napopewalimona suroNa? Hai bara pae ikamumi wua pobagongku i Pue?

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

2 Korintu 11:5

Guru iti mampomahile peahe watanda haduduanda, agaiana kuperapi bona nipeulai paturongku, lawi bara tepaiwoi tuwongku hangko irihira.

2 Korintu 11:7

I tempoku mopahawe Ngkora Marasa irikamu hangkoia, barana merapi sarongku irikamu nauri haodi pea. Mengkaiwoina, mobagona haduduangku bona tuwo peana mopahawe bambari au moanti pewati irikamu. Noumba halalu, masalana pae ane barana merapi sarongku irikamu?

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

2 Korintu 2:12

Kaliliuana halalu, hangkoia i kapadungku hangko i wanua Epesu, laona mobambari Ngkora Marasa kana i Kerisitu i wanua Troas. Kahawengku i Troas, Pue mobungkahiana rara bona mobagona inditi.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

Galatia 1:1

Halalungku hampepepoinalai i ope-ope jumaa au ara i Galatia, Iko, Paulu, surona Pue Yesu hai ope-ope halalungku hampepepoinalai au arahe inde, manguli tabea! Kiharunga Pue Ala Amputa hai Pue Yesu Kerisitu ina mowatikau hai moweikau roa ngkatuwo. Iko, mewalina surona Pue Yesu bara anti manusia ba naangkana manusia, agaiana Pue Yesu hai Pue Ala Umanta au mopatuwo hulemi Yesu hangko i kapateNa, au mampopewalimona suroNa.

Epesu 1:1

Sura ide hangko iriko, Paulu, au mewali surona Kerisitu Yesu moula peundeana Pue Ala. Sura ide kupakatu irikamu taunana Pue Ala i Epesu au tetida pepoinalaimi i Kerisitu Yesu.

Epesu 1:13

Nodo wori ikamu. I kamohadimi bambari au tou mewalimokau taunana Pue Ala. Mampoinalaimokau Ngkora Marasa iti, ido hai Nahoremamokau Pue Ala hangko i huku dosami. Hai Naweimokau Inao Malelaha au Nadandi hangkoia, au mewali pekatandaina Pue Ala i lalumi au mopatongawa pewalimimi taunaNa.

Epesu 4:11

Iami au mokira-kira pewati i ope-ope tauna au mepoinalai Iria: arahe au Napopewali suroNa, arahe au Napopewali nabi mopahawe lolitaNa, hai ara worihe au Napopewali topobambari Ngkora Marasa, guru jumaa, hai guru agama.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

Pilipi 2:11

hai mopangaku: “Yesu Kerisitu iami Pue,” alana Pue Ala Umanta rapomahile.

Kolose 1:1

Sura ide hangko iriko Paulu, au naangkana Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai.

Kolose 1:25

Naangkana Pue Ala mewali hawiNa au motulungi ope-ope tauna au mepoinalai bona mopahawena ope-ope NgkoraNa irikamu.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

1 Tesalonika 2:8

Anti kakipokaahimi, matana lalungki mopahaweakau Ngkora Marasa hangko i Pue Ala. Hai bara pea ido, mogalori tuwongki kihuhu bona peisakau kitulungi.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

1 Timotiu 1:1

Sura ide hangko iriko Paulu, surona Kerisitu Yesu. Mewalina suroNa moula hawana Pue Ala au mohoremake hangko i huku dosanta, hai moula hawana Kerisitu Yesu au mewali peharunganta.

1 Timotiu 2:7

Ido hai naangkamona Pue Ala mewali suroNa. Natuduna mopahawe bambari iti i tauna au barahe to Yahudi. Natuduna mopaguruahe paturo au tou bona mepoinalaihe i Yesu. Tou mpuu au kuuli ide, barana modongko.

2 Timotiu 1:11

Ido hai naangkamona Pue Ala mewali surona Pue Yesu bona mopahawena Ngkora Marasa i tauna hai kupaturohe bona mepoinalaihe i Yesu.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Ibarani 5:4

Hai bara ara tauna au moangka watana haduduana mewali Tadulako Mpenomba Mahile. Tauna au mewali Tadulako Mpenomba Mahile, naangka pea Pue Ala au mokakio i bago iti, nodo au mewali hangkoia i Haruni.

Ibarani 7:26

Mewali, Yesu itimi Tadulako Mpenomba Mahilenta au taparaluu, lawi Ia pea au peisa motulungike. Ia malelaha tuwoNa, bara ara salaNa ba kamakuraNa. Nauri mewali manusia, Ia bara madosa nodo manusia. Ia raangkami i hambua pohudaa au meliu kamapangkana hangko i ope-ope au i langi.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Pampetudungia 1:1

Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Pampetudungia 22:6

Roo indo, nauliangaana malaeka iti, “Ope-ope lolita ide tou hai ina tepabukei. Pue Ala au mowei InaoNa i ope-ope nabiNa, Ia au motudu malaekaNa mai mampopaisa i hawiNahe apa au hangangaa holiga mewali.”

Pampetudungia 22:9

Agaiana nakontona, nauli, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai hangka nabimu hai ope-ope tauna au mampeulai apa au teuki i lalu sura ide.”